Сыр бойы

Бұл алып жоба индустриялдық аймақтың 50 гектарын алып жатыр. Қазіргі таңда дайын өнім қоймасының құрылысы аяқталуға жақын, металл құрылымдау жұмыстары аяқталып, сыртқы қабырғалары қаланып жатыр. Дайын өнім қоймасының ұзындығы 300 метр, ені 150 метрді құрайды. Мамандар жоспарға сәйкес қойма сәуір айында толық бітеді деп отыр. Ал мамырда зауытқа қажет барлық құрал-жабдықтары алып келінеді. Шетелдік инвесторлар зауыт Орталық Азияда теңдесі жоқ жаңа технологиямен жабдықталатынын жеткізді. Құрылыс жұ­мыстарына 200-ге жуық адам мен отыздан астам техника жұмылдырылып отыр. Жұмысшыларға бар жағдай жасалған.

   Арал аудандық денешынықтыру және спорт бөлімінің ұйымдастыруымен №262 мектеп-гимназиясында КСРО спорт шеберлігіне үміткер Тілектес Серғазиев пен шахматтан КСРО спорт шеберлігіне үміткер Әбдіқалық Өтегеновті еске алу мақсатында аудан тұрғындары арасында дойбыдан турнир өтті.

Бүгін облыстық перинаталды орталықтан өмірге үшем әкелген 23 жастағы Байкен Бота отбасына оралады, деп хабарлады облыстық денсаулық сақтау басқармасының баспасөз қызметі. Айша, Хадиша, Райяна атты сәбилерді, үйінде екі ағасы күтіп отыр. Әкелері "Абзал и К" компаниясында жүргізуші болып жұмыс жасайды.

Бүгін Сыр елінен «Қызылорда-Жезқазған» бағытына қатынайтын алғашқы жолаушылар пойызы жолға шықты. Айта кетейік, бұл жоба «Нұрлы жол» бағдарламасы аясында жүзеге асып отыр.

Бүгін қайта жаңғыртудан өткізілген облыстық тарихи-өлкетану музейінің жаңа экспозициясының ашылу рәсімі өтті. Шараға аймақ басшысы, жергілікті қылқалам және қолөнер шеберлері, зиялы қауым өкілдері қатысты.

Еуроодақ пен Ресей ынтымақтастығының тарихында алғаш рет Марстағы тіршілікті зерттейтін ЕxoМars-2016-ны (ЭкзоМарс-2016) алып «Протон-М» зымыран тасушысы Байқоңырдан ұшырылды, деп хабарлады ресейлік «РИА Новости» агенттігі.

Кеше Н.Бекежанов атындағы Қызылорда облыстық драма театрында №10 қазақ-түрік лицейі оқушылары жетістіктерінің «Білім және денсаулық» көрмесі өтті.

«Халыққа қызмет көрсету орталығы» РМК Қызылорда облысы бойынша филиалы Сырдария аудандық бөлімінің ұжымы Н.Ілиясов ауылының тұрғыны 100 жастағы Балшай Махамбетоваға жеке куәлігін табыстады. Бұл туралы қалалық әкімдіктің баспасөз қызметі хабарлады.

Қазақстан Республикасы Тәуелсіздігінің 25 жылдық мерейтойына орай жасақталған «Мәңгілік ел» пойызы Қазалы ауданына келіп тоқтады. Қазалы жұрты теміржол вокзалында пойызды ерекше салтанатпен қарсы алды. Қонақтарды күтіп алу салтанатында аудан әкімі Нажмадин Шамұратов: "«Мәңгілік ел» пойызының ауданымызда болуы - біз үшін үлкен мәртебе. Сондықтан, бүгінгі сапарларыңызға сәттілік тілеймін!" - деді.

Наурыз мерекесі қарсаңындағы аптада Байқоңыр ғарыш айлағы тығыз жүктемемен жұмыс істейтін болды. 2016 жылғы 12-19 наурызда Байқоңыр ғарыш айлағынан үш ұшырылым жүзеге асырылмақ.