Сыр бойы

Қырғыз үкіметі Қазақстанның 100 млн доллар көмегі туралы келісімді бұзу туралы заң жобасын парламентке жолдады. Бұл туралы вице-премьер-министр Дуйшенбек Зилалиев хабарлады. Оның сөзіне қарағанда, қырғыздар енді көмекке зәру емес. Бұл туралы Орталық Азияның жаңалықтар қызметі хабарлады.

Ресей президенті Владимир Путин Қазақстан Президенті Нұрсұлтан Назарбаевты екі мемлекет арасындағы дипломатиялық қатынастардың 25 жылдығымен құттықтап, стратегиялық серіктестіктің жоғары деңгей, биік белесін арнайы атап өтті.

Германияда өткен парламент сайлауында канцлер Ангела Меркель жетекшілік ететін Христиан-социалистік одағы (ХСО) мен Христиан-демократиялық одағы (ХДО) біріккен блок жеңіске жетті. Алдын ала сайлау қорытындысы бойынша, оны сайлаушылардың 33 пайызы қолдаған. Бірақ бұл партия тарихындағы ең төменгі көрсеткіш. Соңғы рет 1949 жылы ең төмен дауыс жинаған.

Алматы қаласындағы жұмыс сапары барысында Елбасыға халықаралық әуежайдың қазіргі жағдайы жөнінде баяндалып, оны одан әрі дамыту жоспары ұсынылды, деп хабарлайды Ақорданың баспасөз қызметі.

Қазақстан мен Түркия арасындағы өзара сауда-саттық көлемі 5 миллиард долларға дейін жеткізілмек. Бұл туралы Ақордада, Елбасы Нұрсұлтан Назарбаев пен Түркия президенті Реджеп Тайып Ердоғанның кездесуінде айтылды. Нұрсұлтан Назарбаев түрік басшысына елімізге ресми сапармен келгені үшін шынайы ризашылығын білдірді.

Соңғы апталарда Солтүстік Корея әсіре белсенді болды. Егер көздегені әлемді ұлардай шулату болса - мақсатына жетті. Рас, АҚШ-қа қоқию әлдеқашан сәнге айналған нәрсе, сондықтан кезекті басы артық ұшырған бір зымыраны мен жуан мәлімдемесі әлемдік қауымдастықты осынша шулата қоюы екіталай болатын. Бірақ бұл жолы Солтүстік Корея жауы түгілі, жолдасына да түсініксіз боп кетті. Мысалы, ол сутегі бомбасын сынаған күннің ертеңіне, өзінің жарылқаушысы Қытайда БРИКС-2017 саммиті басталды. Бұл не, тіпті Қытайға да қыр көрсету ме? Жарылыс күн көсем Чен Ынның туған күніне орайластырылды дегенімен, саммит өткен Қытайдың Шиминь қаласы сынақ өткен жерден алыс емес.

АҚШ-тың экс-президенті Барак Обама Твиттер әлеуметтік желісінде жариялаған сөзі 3 миллион шамасында адам қолдап, интернет тарихындағы ең танымал пікірге айналды деп хабарлайды Qamshy.kz ақпарат агенттігі kazislam.kz сайтына сілтеме жасай отырып.

Ағымдағы жылы 9-10 қыркүйекте Түркия президенті Режеп Тайып Ердоған Қазақстанға ресми сапармен келеді. Ал Астанадағы ЭКСПО-2017 Халықаралық көрмесінің жабылу салтанаты 10 қыркүйек күні өтеді, деп xабарлайды ҚазАқпарат тілшісі.

ҚР Премьер-министрі Бақытжан Сағынтаевтың төрағалығымен өткен ҚР Үкіметінің отырысында ҚР Ауыл шаруашылығы бірінші вице-министрі Қайрат Айтуғановтың өнімді жұмыспен қамту және жаппай кәсіпкерлікті дамыту барысы туралы есебі тыңдалды.

Мемлекет басшысының төрағалығымен өткен кеңеске Президент Әкімшілігінің басшысы Ә.Жақсыбеков, Жоғарғы сот төрағасы Қ.Мәми, Президент Әкімшілігі басшысының орынбасары Т.Донақов, Бас прокурор Ж.Асанов, Ұлттық қауіпсіздік комитетінің төрағасы К.Мәсімов, Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Қ.Қожамжаров, Ішкі істер министрі Қ.Қасымов, Әділет министрі М.Бекетаев, Қаржы министрі Б.Сұлтанов қатысты.