Сыр бойы

Таяуда «Азаматтарға арналған үкімет» мемлекеттік корпорациясының облыс бойынша филиалы Town hall форматында кездесу өткізді. Қызметкерлердің корпоративті рухын қалыптастырып, жаңа форматы қызмет көрсетуді жақсарта түспек. А.Тоқмағамбетов атындағы қалалық мәдениет үйінде өткен шараға облыс әкімінің орынбасары Руслан Рүстемов қатысты.

Қызылорда облысы бойынша Мемлекеттік кірістер департаменті Экономикалық тергеу қызметінің жедел іздестіру шаралары нәтижесінде өткен жылы облыс орталығында жалған ақша банкноттарын жасап шығаратын жасырын цех анықталған болатын. Жуырда жалған ақша жасаушыларға сот шешімі шықты.

Қай дәуірде болмасын мемлекеттің қуаты ондағы білім деңгейімен бағаланып, дамуы сол арқылы қамта­масыз етіледі. Қазақстан Тәуелсіздік алған ширек ғасырдан астам уақыттан бері Елбасы Нұрсұлтан Назарбаевтың салиқалы саясаты арқасында әлемдегі өркениет көшін бастаған мемлекеттердің қатарына қосылу мақсатында табан­дылықпен еңбек етуде. Бұл орайда облыста, қалада да айтарлықтай игі істер атқарылуда. Облыс әкімі Қырымбек Көшербаевтың білім саласына айтар­лық­тай көңіл бөлуінің нәтижесінде соң­ғы жылдары аймақта көптеген жаңа мек­тептер бой көтерді. Ұстаздар еңбегі бағаланып, оларға гранттар бөліне бас­тады. Ұстаздар қауымының беделі артып келеді.

Осы жылдың ақпан айында облыс әкімдігі мен ҚР Еңбек және халықты әлеуметтік қорғау министрлігі өңірде ведомоствоаралық ынтымақтастықтың арнаулы әлеуметтік қызметтерінің кешенді моделін енгізу бойынша пилоттық жобаны іске асырудың Жол картасын бекітіп, бірлескен іс-шаралар туралы меморандумға қол қойған болатын.

Кеше облыс әкімі Қырымбек Көшербаев аймақтағы белсенді жастар, жас мамандар, студенттер және мектеп оқушыларымен кездесті. Еркін форматта өткен жиында аймақ басшысы жаңа заман талабы, қазіргі жастардың мүмкіндігі туралы кеңінен сөз қозғады.

Елбасының бес әлеуметтік бастамасының екіншісі – жалақысы төмен азаматтардың салықтық жүктемесін азайтуға бағытталғаны белгілі. «Жа­ла­қысы 25 еселенген ай­лық есептік көрсеткіштің мөл­ше­рінен төмен қызметкер үшін табыс салығының мөлшері 10 есеге азайтылатын болады. Және бұл тәртіп 2019 жылдың 1 қаңтарынан қолданысқа енуі керек», – деген болатын Президент.