Сыр бойы

Парламент Мәжілісінің депутаттары Нұртай Сабильянов пен Н.Жұмаділдаева Қызылорда облысына барды, деп хабарлады Baq.kz сайты. Депутаттар облыстың Ақсуат, Ақжарма ауылдарында және Тасбөгет кентінде, Қармақшы ауданының Ақжар, Тұрмағамбет ауылдарында және Жосалы кентінде, Жалағаш ауданының Мәдениет ауылында және Жалағаш кентінде, Сырдария ауданындағы Нағи Ілиясов ауылының тұрғындармен кездесті.

«Ауылым – алтын бесігім!». Халқымыздың жауға сілтер алдаспаны, қорғанар қалқаны болған Жанқожа Нұрмұхамедұлы бабамыз атындағы ауыл Қазалы ауданындағы ең көрікті мекен саналады. «Тіректі елді мекен» атағын иеленген іргелі ауылдың айшықты ажары, көрікті нысандар салынуы жағынан өзге өңірмен салыстырғанда шоқтығы биік. Оқтай түзу асфальт көшелер, жарқыраған түнгі жарық, жаз мезгілінде жайқалған жасыл желек, сапалы ауыз сумен қамтылуы, еңселі балабақша, әсем спорт кешені, мәдениет үйі, мектеп, жаңадан бой көтеріп жатқан мешіт, саябақ мұндағы ағайынның берекелі тірлігін аңғартады.

Қызылордалықтар «Алтын дән» мерекесін атап өтті. Мереке аясында облыстың барлық аудандары мен қала төңірегіндегі елдімекендерінің қатысуымен дәстүрлі ауылшаруашылығы өнімдерінің жәрмеңкелері ұйымдастырылды. Қызылорда облысының шаруалары 1500 тоннаға жуық ауылшаруашылығы өнімін – көкөніс, бақша және сүт өнімдерін, балық, сондай-ақ қой мен ешкі әкелді.

Қызылордалық Александр Николаевич Подольскихті көпшілік Қазақстандағы танымал ғалым-селекционер ретінде таниды. Ауыл шаруашылық ғылымдардың докторы А.Н. Подольских қазір Қызылорда қаласындағы күріш өсіру ғылыми-зерттеу институтында қызмет атқарады. Білікті ғалым «Қазақстанның 100 жаңа есімі» алғашқы жобасының жеңімпаз болды, деп хабарлайды ҚазАқпарат тілшісі.

Астаналық суретші Ренат Елубаев ресейлік телеарнадағы ерекше қабілеті бар адамдар туралы жобаның финалында көзін байлап алып, саздан мүсін жасады, деп хабарлайды ҚазАқпарат.Ол «Россия 1» телеарнасындағы «Удивительные люди» жобасының үшінші маусымындағы сегізінші көрсетілімінде көзі байлаулы күйінде, картина салған болатын.

ТҮРКСОЙ халықаралық ұйымы Македонияның Скопье және Гостивар қалаларында «Түркі әлемінің ұлы перзенттері» атты халықаралық ғылыми конференциялар өткізді, деп хабарлайды ҚазАқпарат.

Будапешт қаласында (Венгрия) күрес түрлерінен өтіп жатқан Əлем чемпионатында жерлесіміз Айдос Сұлтанғали грек-рим күресінен 60 келі салмақта қола жүлдені иеленді!!!

  Ауылшаруашылығы саласының қызметкерлерін марапаттау рәсіміне орай аймақ басшысы Қ.Көшербаев «Құрмет» орденінің кавалері, Социалистік Еңбек ері, 11 бала тәрбиелеп өсірген Батыр ана - Сәлима Жұмабековаға жаңа үйдің кілтін табыстады

Агроөнеркәсіп кешені мәселелеріне арналған «ASTANA AGRO FORUM – 2018» форумы аясында агроөнеркәсіп инвестициясына қатысты дөңгелек үстел өтті. Дөңгелек үстелге Қазақстан Республикасының Премьер-Министрі Бақытжан Сағынтаев, ҚР Премьер-Министрінің Орынбасары, Қазақстан Республикасы Ауыл шаруашылығы министрі Өмірзақ Шөкеев, мемлекеттік және жергілікті атқарушы органдардың өкілдері, отандық және шетелдік инвесторлар (Farm Frites Beheer B.V, Grand Farm Meats, Hyundai Corporation және басқалар), салалық одақтар мен қауымдастықтар өкілдері, ауылшаруашылық тауарларын өндірушілер қатысты. 

"Астана" футбол клубы бесінші жыл қатарынан ел чемпионы атанып, қазақ футболы тарихында жаңа жетістік шыңын бағындырды. Осыған дейін бірде-бір команда бес жыл қатарынан топ жармаған, - деп хабарлайды Тengrinews.kz тілшісі Vesti.kz порталына сілтеме жасап.