Сыр бойы

 

Қорқыт Ата атындағы Қызылорда мемлекеттік университетінің №9 оқу ғимаратында Қызылорда облыстық ішкі саясат және «Руханиятты қолдау» қоғамдық қорының ұйымдастыруымен «Туған жерге тағзым» әлеуметтік жобасы аясында халықаралық дәрежедегі спорт шебері, пауэрлифтингтен 3 дүркін Азия чемпионы Елдос Ермахановпен кездесу өтті. Оған Қызылорда облысының жас спортшылары, Қорқыт Ата атындағы ҚМУ-дың «Дене шынықтыру» мамандығында оқитын студенттер қатысты.

Қызылорда қаласында қазақы кілем тоқитын шеберлерді қолдау мақсатында «Kilem Fest» көрме-фестивалі болып өтті, деп хабарлайды ҚазАқпарат тілшісі.

12-13 қазанда Астана қаласында "Қазақстанның үздік тауары - 2018" республикалық көрме-байқауы өтті. Байқау нәтижесінде аймақтағы ерлер жейдесін өндіретін "Далатекс" пен тұз өндіретін "Аралтұз" компаниялары финалға жолдама алды.

Студенттер сарайында «Руханиятты қолдау» қоғамдық қорының ұйымдастыруымен «Туған жерге тағзым» жобасы аясында «Сыр өңірі: ежелгі заманнан бүгінге дейін» тақырыбында тарихшылар слеті өтті. Оған жоғары оқу орындары мен мектепте тарих пәнінен сабақ беретін мұғалімдер қатысты.

Ақын, "Желтоқсан желі" әнінің сөзін жазған Әбдірахман Асылбеков 80 жасында өмірден озды. Бұл туралы Азаттыққа ақын, сазгер Байғали Есенәлі хабарлады. Оның сөзінше, Әбдірахман Асылбеков 19 қазан күні Алматыда ауруханада көз жұмды.

Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев сегіз сағаттық жұмыс күніне кейін мелекеттік органдардағы компьютерлердің өшірілуін қадағалауды тапсырды, деп хабарлайды ҚазАқпарат тілшісі.

Синоптиктер 20-22 қазан күндеріне ауа райы болжамын жасады, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

  Қызылордада рухани болмысымыздың алтын арқауы Қорқыт баба күйі жаңа биікке көтерілді. Тұңғыш рет республикалық деңгейде Елбасының «Болашаққа бағдар: Рухани жаңғыру» бағдарламалық мақаласы аясында «Қорқыт. Қобыз» атты қыл қобызшылар мен қобызбен сүйемелдеп жыр айтушылар байқауы өтті. Ұлттық мұраның бәсін асқақтатқан өнер иелері Қорқыт күйлерін насихаттап, Қожа Ахмет Яссауидің даналыққа толы хикметтерінен, Тоныкөк, Күлтегін, Оғыз дәуіріндегі көне жырлардан үзінді орындады. 

20 қазан күні Жаңақорған ауданы Машбек ауылында «Құрмет» орденінің иегері, еңбек ардагері Машбек Нәлібаевты еске алуға арналған қазақ күресінен 1998-1999 жылдары туылған жастар арасында республикалық турнир, шағын-футболдан және волейболдан облыстық ашық турнирлер басталады.