Сыр бойы

Жазғы Азия ойындарының жеңімпаздарына Мәдениет және спорт министрлігі 10 мың АҚШ доллары көлемінде сыйақы береді. Сондай-ақ қаржылай марапат күміс және қола жүлдегерлерге, олардың жаттықтырушыларына да тағайындалмақ. Төрт жыл сайын өтетін алып дода бүгін Индонезияда басталып, екінші қыркүйекке дейін жалғасады. Отандастарымыз әр төрт жыл сайын байрақты бәсекеде бақ сынап, талай мәрте еліміздің даңқын асқақтатып келеді. Енді биылғы додада ел намысын 440 спортшы қорғайды. 

 Биыл ұлттың әдебиеттану ғылымының көрнекті өкілі ­Мырзабек Дүйсеновтің туғанына 90 жыл.  Осыған орай  Сыр елінде «Рухани жаңғыру және ұлттық әдебиет» атты республикалық ғылыми-тәжірибелік конференция өткізілді. Жиында республикаға белгілі ғалымдар мен ақын, жазушылар Мырзабек Дүйсеновтің шығармашылығын, ғылыми-танымдық туындыларын талдап, естеліктермен бөлісті. 

 Қызылордалық Өксікбаевтар әулеті көл-көсір қуанышқа кенелді. Келіндері 33 жасар Назерке Ахметова үстіміздегі жылдың 20 шілдесінде үш бірдей қызды дүниеге әкелді.

"Баспана" ипотекалық ұйымының сыртқы коммуникациялар қызметі "7-20-25" бағдарламасының атын жамылған жалған жарнамалар таралып жатқанын ескертті.

Қорқыт ата атындағы университет дүйім елге белгілі, ал Қорқыт есімін иеленген мектеп туралы естуіңіз бар ма? Жүз елуден аса оқушыға қосымша білім беретін оқу орталығы жуырда ғана бір жылдығын атап өтті. Директоры –  университеттің 3-курс студенті, 20 жастағы Бибінұр Өткелбай.

15 қыркүйекте Лас-Вегасте өтетін Геннадий Головкин мен Сауль Альварес арасындағы бокс кеші андеркартында жекпе-жекке шығатын үш жұп белгілі болды.

Британиялық кинорежиссер Тони Кэй жаңа фильмінің басты рөлінде жасанды санамен қамтамасыз етілген роботты ойнатпақшы. Робот-актер түскелі жатқан фильм "2nd Born" деп аталады. Режиссер қазіргі уақытта жасанды санамен жұмыс істейтін роботқа актерлік өнердің қыр-сырын, әдістерін таныстырып жатыр. 

Бүгінде ауылда кәсіпкерлік саласы қарқын алуда. Бірі наубайхана ашып, енді бірі мал шаруашылығын дамытуды бағытқа алған,  шаштараз ретінде қызмет көрсетіп жатқандар да көбейді.

Осыған дейін төзімділік дәрежесі, уақыт үнемдеу, ренішке бейімділік жөнінде бірнеше тест жариялаған болатынбыз. Кезекті материалымыздың шарты мынадай. Суретке қарап, көзіңізге бірінші еленген бейнеге зер салыңыз. Реттік нөміріне сәйкес мәтіннен өзіңіз жөнінде мәлімет алыңыз.

Донор -  өз қанын, онымен бірге науқасқа – денсаулық, өлім аузындағы адамға  - өмір сыйлайтын адам.  «Халық денсаулығы және денсаулық сақтау жүйесі туралы» Кодекстің 165-бабына сәйкес, 18 жастан асқан дені сау, медициналық тексерістен өткен және қарама-қарсылықтар жоқ, медициналық мақсаттар үшін қан және оның құрылымдарын тапсыруға ерікті тілек білдірген кез келген адам донор бола алады.