Сыр бойы

Қызылорда облыстық жастар саясаты мәселелері басқармасының қолдауымен «Жас Отан» Жастар қанатының «Балалар біздің болашағымыз» жобасы аясында еріктілер Қызылорда қаласының тұрғындары Асыл Жұмаштың, Еркебұлан Бағдатұлының, Элмира Күмісбаеваның үйіне арнайы барды. Еріктілер бүлдіршіндермен танысып, олардың демалыс уақытының тиімді өтуіне көмектесіп, бірге кітап оқыды. Оқушылардың интеллектуалдық қабілетін арттыратын тренингтер өткізіп,  түрлі-түсті суреттер салды. Кездесу соңында жастар естелікке сыйлық таратты.

Аудандарға жұмыс сапары аясында Қызылорда облысының әкімі Қырымбек Көшербаев спорттық кешендердің ашылуына қатысып, кәсіпкерлікті дамыту мәселелері бойынша көшпелі жиын отырыстарын өткізді.

Елбасы Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласы аясында «Жас Отан» Жастар қанатының «Отан-Ана» жобасы басталды. Бүгінгі жас буынның ел тарихын танып, баба дәстүрін жалғастыруы ұлтқа ұпай әкеледі. Осы мақсатта облыстық «Жас Отан» Жастар қанатының белсенділері және «Жасыл ел» еңбек жасағы Сырдария ауданында орналасқан Қалжан Ахун мешіт-медресесінің тарихымен танысты. 

Абылайхан атындағы жоғары колледжде «WorldSkills Kazakhstan-2018» ұлттық чемпионатының облыстық және аймақаралық кезеңінен жеңімпаз атанған студенттерді марапаттау шарасы өтті. Салтанатты жиынға облыс әкімінің орынбасары Руслан Рүстемов қатысып, республикалық кезеңге жолдама алған жастарға диплом табыстады.  Қазіргі нарықтық қоғамда кәсіби-техникалық білім беру ісін жетілдіру, білікті кадр дайындау маңызды. Руслан Рүстемұлы бұл жоба ұлттық экономиканың кәсіби мамандарға деген сұранысын өтейтінін, жұмысшы мамандықтарының беделін көтеретінін атап өтті.

Күні кеше ғана «Мәдениеттану» мамандығы бойынша магистр дипломын қорғаған Мейрамбек Бесбаев әлеуметтік желіде өз атына айтылып жатқан сындарға жауап берді, деп хабарлайды ҚазАқпарат тілшісі.

ҚР Мемлекеттік xатшысы Гүлшара Әбдіқалықова Түркиядан келген қазақ жастарына отандық білім саласындағы реформалар туралы айтып берді. Осы орайда Назарбаев университетінің тәжірибесін тарату жайы сөз болды, деп xабарлайды ҚазАқпарат тілшісі.

«Азаматтарға арналған үкімет» мемлекеттік корпорациясы ҚР ІІМ және «Ұлттық ақпараттық технологиялар» АҚ-мен бірлесіп, электрондық үкімет порталында жаңа сервисті пилоттік режимде іске қосты. Енді қазақстандықтар автокөліктерін онлайн тәртіпте тіркей алады. 

Мемлекет басшысы Нұрсұлтан Назарбаев WBC, WBA (Super), IBO тұжырымдары бойынша кәсіпқойлар арасындағы бокстан әлем чемпионы Геннадий Головкинмен кездесті, деп хабарлайды Ақорданың баспасөз қызметі.

«Туған жер" қоғамдық қозғалысы" Қауымдастығы және Қызылорда облыстық ішкі саясат басқармасымен бірлескен кезекті шараларының бірі "Жайна" сауда орталығында өтті. Кеңес беру орнының сауда үйлерінде орналасуы кездейсоқ емес. Себебі бұл жер тұрғындардың ең көп шоғырланатын орны. 

Әрбір азамат өзінің қызметін адал атқарып,туған елінің шынайы патриоты болғанда ғана қуатты мемлекет құрылады. Елге адал қызмет ететіндер де, керісінше, теріс қылық жасайтындар да бар. Содан болар, халық  несібесі мен ел қазынасына қол салатындардан арылу барлық  мемлекеттің өзекті мәселесіне айналып отыр.Бұл тұрғыда елімізде арнайы  заңдар қабылданып, жүйелі  бағдарламалар жүзеге асуда.Тіпті, сыбайлас жемқорлыққа қатысты іс-әрекеттің алдын алуға көмектескендерге үкімет тарапынан арнайы сыйақы да қарастырылған.Олардың қауіпсіздігі заңмен қамтамасыз етілген.