Сыр бойы

Аптаның сәрсенбісінде Шиелі ауданы №9 өрт сөндіру бөліміне облыстық бюджет есебінен алынған жаңа өрт сөндіру автокөлігін салтанатты түрде табыстау рәсімі өтті. 

Астана қаласында көркем гимнастикадан  халықаралық «Жұлдыз» турнирі өтті. Алты мемлекеттен және еліміздің өңірлерінен қатысқан дүбірлі бәсекеде жерлестеріміз үздік өнер көрсетті.

Білім және ғылым министрлігінің бастамасымен  Қызылорда облысының білім басқармасы Халықаралық балаларды қорғау күні (ағымдағы жылғы 1 маусым) Балалар мен жастардың музыкалық оркестрлері мен ансамбльдерінің шеруін өткізеді.

Қазақ ұлт болып қалыптасқан ғасырлар бедерінде талай зобалаң мен дүрбелеңді бастан өткерді. Арғы-бергі тарихтың қалың қатпарларында төгілген қан мен ащы тердің, нәубетке толы кезеңдердің бізге жетпеген белгілері жатыр. Бағзы замандарды былай қойғанда өткен жүз жылдықта қазақ халқының басынан кешірген ең бір ауыр зұлматы бұл – ашаршылық пен қуғын-сүргінге ұшырауы еді.

Сурет – тарих, әрі өміршең өнердің бірі. Шексіз тарихтың бір ғана сәтін бейнелейтін, қиялға ерік беретін ерекше шығармашылық түрі қаладағы М.Мәметова атындағы педагогикалық жоғары колледжінде де оқытылады. 1996 жылдан бері оқу ордасын «Бейнелеу өнері және сызу» мамандығы бойынша 300-ден астам түлек тәмамдаған, қазір олардың барлығы – халық ықыласына бөленіп жүрген майталман мамандар. Бұл ізді жалғауға ықыласты жастар да аз емес. Бұған біз колледждің Елбасының «Болашаққа бағдар: рухани жаңғыру» бағдарламалық мақаласы аясында ұйымдастырған сурет көрмесінде көз жеткіздік. 

Облыстық ішкі саясат басқармасы және «Туған жер» қоғамдық қозғалысы» қауымдастығының ұйымдастыруымен қаладағы Ә.Тәжібаев атындағы облыстық ғылыми кітапханада «Рухани жаңғырудың тірегі – ұлттық тіл» атты шығармашылық және өнер саласының өкілдерімен кездесу кеші өтті.

Жуырда Н.Бекежанов атындағы облыстық драма театр сахнасында «Пай-пай, жас жұбайлар-ай» комедиясының премьерасы өтті. Таптаурын секілді көрінгенмен тақырып өзекті. «Қарсы ал! Ләззат» деген екі ауыз сөз үш отбасының мұң-қайғысын қозғады. Сынықтан сылтау табылып, болмашыдан бүлік шықты. Көрерменді күлдірді, күрсінтті, комедия өз нысанасына дөп тиді. Бір қызығы, театрдың жастар труппасы заманауи ән мен биді тиімді таңдаған. Мұнан біз мюзикл жанрының белгілерін, өзгеріске ұмтылысты байқадық. Театр шымылдығы жабылған соң, қойылымның режиссері, Шыңғыс Айтматов атындағы халықаралық сыйлықтың лауреаты Қуандық Қасымовпен әңгімелесудің орайы келді.

Қармақшы ауданы Дүр Оңғар ауылында саяси қуғын-сүргін және ашаршылық құрбандарына арналған ескерткіш белгі қойылды.

Елбасының «Қазақстан жолы-2050: Бір мақсат, бір мүдде, бір болашақ» атты Жолдауында айтылған «Мәңгілік  Ел»   патриоттық актісі Қазақстан қоғамының рухани тірегіне айналып, асқақ рух пен адамгершілік өнегеге бағытталуы тиіс.

Қоғамның келеңсіз құбылысы болып табылатын сыбайлас жемқорлық адамзат өркениетінің дамуын тежейтіні анық.Елімізде сыбайлас жемқорлық тәуекелдерін азайтуға, қоғамның мемлекеттік органдар қызметіне сенімін арттыруға бағытталған құқықтық, әкімшілік, ұйымдастырушылық және өзге де шаралар жүргізіліп келеді. Мемлекетіміз ТМД елдерінің арасында алғашқылардың бірі болып осы келеңсіз құбылыспен күрестің мақсат-міндеттерін, негізгі қағидаттары мен тетіктерін айқындаған «Сыбайлас жемқорлыққа қарсы күрес туралы» Заңды қабылдады. Сондай-ақ, кейін аталған Заң кезең-кезеңімен өзгерістер мен толықтыруға түсіп, уақыт талабына сәйкес жетілдіріліп отырды. Бүгінде ҚР «Сыбайлас жемқорлыққа қарсы іс-қимыл туралы» 2015 жылғы 18 қарашадағы Заңы азаматтарды ортақ мүддеге жұмылдырады. «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы туралы» ҚР Президентінің 2014 жылғы 26 желтоқсандағы №986 Жарлығы қабылданып, ұлттық қауіпсіздікке тікелей қауіп-қатер төндіретін сыбайлас жемқорлыққа қарсы күрес күшейтілді.