Сыр бойы

Елбасы Жолдауларында халықтың әлеуметтік жағдайына ерекше мән беріледі. Биыл да «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында зейнетақы төлемдеріндегі өзгерістерге айрықша тоқталды. 

Соңғы жылдары мемлекеттік бағдарлама арқасында ауылда қолындағы азын-аулақ малының қарасын көбейтіп жатқандар артып келеді. Соның бірі – Жаңақорған ауданы, Қыркеңсе ауылының тұрғыны Серік Мырзабаев.

Бүгін Астана қаласының Оқушылар сарайында  әртүрлі төтенше оқиғалар кезінде ерлік жасаған батыр-балаларға құрмет көрсету рәсімі өтті. Қайсар балаларды  Ішкі істер министрі полиция генерал-полковнигі Қасымов Қалмұханбет Нұрмұханбетұлы марапаттады.

  Қаратерең...Сырдың теңізге құяр сағасында орын тепкен, қос алыпты тел емген ауылда дүниеге келген Бегімбайдың бала қиялы бай болған секілді. Өйткені ақжал толқынды теңізде жүзген кемелер де, дариядан таралған айна көлдердегі ақжелкенді қайықтар да қиялына қанат бітіретін. Сондықтан арманшыл ауыл тентектерін үлкендер «Осылардан бірнәрсе шығады» деп арқадан қағып қоятын еді.

Жалғанның жарығына келген әркім де тіршілікте өзінше із салады. Бір­еу байлығымен мақтанса, тағы бір жан қоғамның рухани жұтаңдамауына жан-тәнімен қызмет етіп, ұлттың ұмыт қалған құндылығын жиып-теріп жүреді. Дәл бүгінгі күні материалдық тұрғыда бақуаттылардың бәсі озып тұрғаны рас, бірақ осы екі топтың ел алдындағы еңбегі таразы басына түсе қалса, руханиятқа қызмет еткеннің еңсесі биіктеп шыға келетіні тағы анық. Аймақ журналистикасының ардагері Өтеген аға Жаппархан жайлы жазарда жасаған байламымыз осы болды.

Қызылорда облысының Ішкі істер департаментінің мұрағатында Германияда әскери тұтқында болған және өз еліне қайта оралған бұрынғы ССРО азаматтарына қатысты 418 дана құжаттар сақталуда. Айта кетерлік жайт, бүгінгі күні Германияда әскери тұтқында болған және өз еліне қайта оралған бұрынғы ССРО азаматтарына қатысты 2 мұрағаттық анықтама берілген.      

Жуырда Қазалы аудандық орталық кітапханасының ұйымдастыруымен «Кітап. Ұлттық рух. Замана тынысы» атты «Үздік оқырман-2018» жас оқырмандар байқауы өтті. Шараға кент пен Қазалы қаласындағы 11 мектептен талапкерлер қатысты. Жастарды кітап оқуға шақыруды көздеген байқау аталған кітапханада осымен үшінші мәрте ұйымдастырылып отыр.    

Адам өміріне қауіпті мамандық аз емес. Олардың қатарында құтқарушы да бар. Жуыр­да өңірдегі «Кәсіби әскерилендірілген авариялық-құтқару қызметі» өкілдерімен кездесіп, жұрт көп біле бермейтін мамандық иелерінің жұмысымен жақын танысудың сәті түскен болатын.

Егемендіктің алғашқы жылдарында-ақ еліміздегі ұлтаралық қатынастар мәселесі бойынша Қазақстан Республикасының Президенті Н.Назарбаев: «... ішкі саясаттың іргелі қағидасы ұлтаралық келісім принципі болуға тиіс. Міне, осының өзі демократиялық құқықтық мемлекет құрудағы қазақстандық жолдың және біздің дүниежүзілік қауымдастыққа енуіміздің ерекшелігін айқындайды», деп атап көрсеткен еді. Осы орайда, Қазақстан Республикасында этносаралық қарым-қатынастар ерекше көңіл аударуды қажет ететін өзекті мәселелер қатарына жатады. Елімізді мекендейтін барша 140 этнос өкілдерін біріктіретін ортақ тарихи тағдыр, достық, туысқандық бірдейлік қазіргі таңда бір мақсатқа, бір мүддеге, бір болашаққа жетелейтін «Мәңгілік Ел» ұлттық идеясын жүзеге асыру бағытында күш біріктіруде.

Сырдария ауданының Асқар Тоқмағамбетов ауылында тұратын Рашид Ысқақов 2012 жылдан бері «Мырзабек» шаруа қожалығын құрып, кәсібін өрістетуде. Ең алғаш малды асылдандыру бағытында жұмыс жасауға «Агро несие» корпорациясынан 10 млн.теңге несие алады. Оған қыстау сатып алады, басқа өңірлерден асыл тұқымды ірі қара мал алып келеді.