Сыр бойы

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің жанындағы Қазақстан Республикасының 2015-2025 жылғы сыбайлас жемқорлыққа қарсы стратегиясын іске асырылуы бойынша сыртқы талдау және бағалау жөніндегі Қызылорда облысы бойынша Арнайы мониторингтік топ мүшелерінің кезекті отырысы өтті.

«Атамекен» ҰКП-ның ұйымдастыруымен өткізілетін ҚР Президентінің «Алтын сапа» сыйлығы мен «Қазақстанның үздік тауары» көрме-байқауына қатысушылар үшін құжат қабылдау жүріп жатыр.

Діни сауаттылықты арттыру және руханиятты нығайту мақсатында Қазалы ауданы Төтенше жағдайлар бөлімінде діни экстремизм мен терроризмді профилактикалау жөнінде семинар-кеңес өткізілді. Кеңеске Қазақстан мұсылмандары діни басқармасының Шариғат және пәтуә бөлімінің меңгерушісі Шоқанов Сансызбай Құрбанұлы қатысты.

Ағымдағы жылдың 10 қаңтарында Мемлекет басшысымен "Қазақстан Республикасындағы бағалау қызметі туралы" және "Қазақстан Республикасының кейбір заңнамалық актілеріне бағалау қызметі мәселелері бойынша өзгерістер мен толықтырулар енгізу туралы" Қазақстан Республикасының Заңдарына  қол қойылды.

Қазақстан Республикасының Білім және ғылым министрлігінің Мектепке дейінгі және орта білім департаментінің бастамасымен жергілікті атқарушы органдар, қоғамдастықтар және БАҚ өкілдерінің қатысуымен, барлық орта білім беру ұйымдарында бірдей уақытта 2018 жылы 15 мамырда 18.30. сағатта «Рухани жаңғыру» қоғамдық сананы жаңғырту бағдарламасын іске асыру шеңберінде және Халықаралық отбасы күніне арналған «Білімді ұлт – сапалы оқыту мен отбасы құндылығы» жалпыұлттық ата-аналар жиналысы өтеді.

11-12 мамыр күндері Жаңақорған ауданында IV облыстық малшылар слеті өтті. Бұл шараны ел ішінде малшылардың тойы деп те атайды. Тіпті, тойға лайық аймақ таңдалған. Айналасын тау қоршаған жазық, ал, оның қақ ортасынан күретамырдай сол аймаққа нәр беретін мөлдір бұлақ ағып жатыр. Жан-жағының барлығы жап-жасыл. Дала төсін жусан басқан. Келген қонақтар тауға шығып, бұлаққа жуынып, тұмса табиғатқа таңырқаса қарасты. Бұл аймақты «Үсен бауы» деп атайды. Қаратаудың етегіндегі шатқалда орналасқан  «Үсен бауы» бұл күндері қайнаған тіршіліктің  ортасына айналды. Алыстан мен мұндалаған ақшаңқан киіз үйлер, иық тіресе белдескен балуандар, сәйгүлікпен теңге ілген шабандоздар малшылар слетін думандата түсті. Даланы әсем әуенге бөлеген әншілер жұртшылыққа көтеріңкі көңіл-күй сыйлады. Мұның барлығын малшы қауымға жасалған құрмет деп білген жөн.

Сырдария ауданының орталығы Тереңөзек кентінде орналасқан "Жалын" тынығу лагері мектеп оқушыларының жазғы маусымдағы демалысын ұйымдастыруға дайын.

 Облыстық «Жас Отан» жастар қанаты өткен жұмада Қызылордада «Жаңа әлемдегі жастар келбеті» атты облыстық жастар форумын ұйымдастырды. Облыс әкімі Қырымбек Көшербаев форумға қатысушыларға тілектестік айтып, бүгінгі қоғамдағы жастар мәселесіне қатысты ой саларлық орнықты пікір білдірді.

Аймақта САРАТС жобасының екінші кезеңі жүзеге асырыла бастады. Ол 8 компоненттен тұрады. Алғашқы 6-ы – бірінші, қалған 2-і – келесі кезеңнің еншісінде. 

Биыл Сырдария ауданында демеушілер есебінен 230-дан астам оқушы «Жалын» тынығу лагерінде және облыс көлеміндегі, облыстан тыс лагерлерде демалады деп жоспарлануда.Тегін жолдамалар көпбалалы, ата-ана қамқорлығынсыз қалған және әлеуметтік аз қамтамасыз етілген отбасы мүшелерінен шыққан оқушыларға беріледі.