Сыр бойы

 Шиелі ауданында 24 көлден жылына 51 тонна балық ауланып, бюджетке 6 млн. 600 мың теңге көлемінде салық төленген.

 Облыстық жастар саясаты мәселелері басқармасының бастамасымен қаладағы теміржол вокзалы мен автовокзалға «Жолаушы, жолға кітап ал!» макеттері орналастырылды. Енді ол арқылы әрбір жолаушы өзі қалаған кітапты «кью-ар» коды арқылы смартфонына жүктей алады. Жоба аясында қалың бұқараға қазақ классиктері шығармаларынан бөлек, әлемдік әдебиет туындылары ұсынылған. Ұлттық әдебиеттегі ең үздік деген туындыны насихаттап, рухани мұрамызды сақтауды мақсат тұтқан жоба «Рухани жаңғыру» бағдарламасы аясында қолға алынып отыр.

Байқоңыр ғарыш айлағында «Прогресс МС-08» көліктік жүк кемесі «Ұшыру» пәрмені берілгеннен кейін тоқтатылды, деп хабарлайды «ҚазАқпарат» ХАА тілшісі.

Нашақорлыққа және есірткі бизнесіне қарсы іс-қимылға бағытталған қызметті үйлестіру жөніндегі Қызылорда облыстық ведомствоаралық штабының іс-шаралар жоспарының талаптарын орындау мақсатында Қызылорда ОІІД Есірткі бизнесіне қарсы күрес басқармасының ұйымдастыруымен облыс көлемінде орта және арнаулы орта, жоғары оқу орындары арасында есірткіге қарсы патриоттық әндер орындау сайысы ұйымдастырылды.

Атмосфералық фронттардың өтуіне байланысты  12 ақпан күні республиканың солтүстік-батысында кей жерлерде қар жауады. Оңтүстікте және оңтүстік-батыста аздаған жауын-шашын күтіледі. Қазақстанның  басқа аймақтарында жауын-шашынсыз ауа райы сақталады. Кей жерлерде тұман мен желдің күшеюі болжанады, республиканың солтүстік-батысында жаяу бұрқасын болады. Бұл туралы «Қазгидромет» РМК хабарлады.

Ағымдағы жылдың ақпан айының 7 күні Қызылорда облысы, Сырдария аудандық ішкі істер бөліміне 15 жастағы 3 жасөспірім 6 ақпан күні үйден шығып, белгісіз бағытқа кетіп қалғандығы жайлы хабарлама келіп түседі.

9 ақпан күні өнер бөлімінде әуесқой суретшілердің қатысуымен «Бояулар  сыр шертеді» атты әдемілік тақырыбына арналған шара өткізілді. 

«Ауылына қарап азаматын таны». Арықбалық ауылдық округінде ұйымдастырылған қысқы балық аулаудан өткен жарыс ел азаматтарының ауызбіршілі жоғары екенін тағы да дәлелдеді. Қай нәрсеге де мұрындық болатын азаматтар қай жерден де кездесетіні белгілі. Бұл жолғы бастаманы № 94 мектептің мұғалімі, қашанда тура сөзі, өткір мінезімен ерекшеленетін, ауылым деп әманда елеңдеп тұратын Рамазан Нұрым ініміз көтерді. Орынды ұсынысты округ әкімі Сапарбек Қуатов, мектеп директоры Алик Тілеумбетов қостаған соң, әзірлік шараларына қызу дайындық жасалды.

Қорқыт ата атындағы Қызылорда мемлекеттік университетінің ғылыми-техникалық кітапханасы қоржыны тағы да құнды кітаптармен толықты.  Жақында Қазақстан Ұлттық ғылым академиясының академигі, Қазақстанға еңбегі сіңген ғылым қайраткері, мемлекеттік сыйлық иегері Еділ Ерғожин өзінің құнды ғылыми еңбектерін, монографиялары мен оқулықтарын сыйға тартты.