Сыр бойы

Міне, биылғы мектеп бітірушілердің сыналар сәті де келіп жетті.  Үстіміздегі жылы облыстың орта білім беретін   мектептерінен  7064 түлек жаңа өмірге қанат қағады.

ҚР Ұлттық Кәсіпкерлер палатасының президиум төрағасы Тимур Құлыбаев жұмыс сапарымен Сыр өңірінде болып, бірнеше кәсіпорындарды аралап, кәсіпкерлермен кездесті. Бұл жайында облыс әкімдігі баспасөз қызметі хабарлады.

Байқоңыр қаласында  Қазақстан Республикасы Президентінің жүлдесіне арналған облыстық халықтық спорт ойындары басталды. Әрбір 4 жылда бір рет өткізілетін спорт жарысы осымен бесінші рет өткізілуде. Сайысқа  Байқоңыр, Қызылорда  қалалары  мен 7 ауданнан мыңға жуық спортшы волейбол, шағын футбол, қазақ күресі, тоғызқұмалақ, гір көтеру, қол күресі, үстел теннисі, президенттік көпсайыс және асық атудан өзара сынға түсуде.  

Үстіміздегі жылдың 29 мамырынан  30 мамырына қараған түні Шиелі және Жаңақорған аудандарында ауа-райының күрт салқындауы, жауған қар аралас жаңбырдың салдарынан уақ малдың мол көлемде қырылуына әкеп соқтырды. 

Облыс әкімінің 2014 жылғы 2 маусымдағы № 420-ө өкімімен Әбуов Дәуірбек Кеңесұлы міндетті арнайы тексеру нәтижесі  келгенге дейін Қызылорда облысының ауыл шаруашылығы басқармасы басшысының міндетін атқарушы болып қабылданды.  

Оқуда озат, қоғамдық шараларға белсене араласатын оқушыларды «Жас Ұлан» бірыңғай балалар мен жасөспірімдер ұйымына салтанатты қабылдау шарасы өтті.

Қызылордада халықаралық балалар қорғау күні Н.Бекежанов атындағы қазақ музыкалық драма театрында аталып өтілді.   Облыс орталығы мен барлық аудандардан келген жас таланттар көпшілікке өз өнерлерін көрсетті. Ән айтып, би билеп, түрлі аспаптарда ойнады. Облыстық, республикалық және халықаралық байқауларда Сыр елінің намысын қорғап жүрген жас өнерпаздардың өнеріне тәнті болған көрермен жас достары қошемет көрсетті. «Концертті бүлдіршіндермен бірге облыс әкімі Қырымбек Көшербаев және өңірде іс сапармен жүрген Парламент Мәжілісінің депутаттары да тамашалады. Концерт соңында ертегі кейіпкерлері мерекелік тортты ортаға алып шығып, бүлдіршіндерге үлестірді» деп хабарлайды облыс әкімдігі баспасөз қызметі.