Сыр бойы

Танымал түрік актері және әншісі Озджан Дениз өзіннен 20 жас кіші Фейзе Актанмен шаңырақ көтерді деп хабарлайды Oxu.Az порталына сілтеме жасаған NUR.KZ.

Бүгінде жүзікті дәстүрлі тұрде саусаққа тағу сәннен шығып, оның орнына терісін тесіп тағу трендке айналған. Woman.ru сайты сұлулық үшін экстремалды тәсілге келісіп, гауһарды жабыстырып алған арулар суретін жариялады деп жазады NUR.KZ порталы.

Бүгін Қорқыт Ата атындағы Қызылорда мемлекеттік университетінің Студенттер сарайында "Жас Отан" Жастар қанатының ұйымдастыруымен Елбасы Нұрсұлтан Әбішұлы Назарбаевтың бес әлеуметтік бастамасын талқылау мақсатында "Жас Отан" ЖҚ-ның облыстық төрағасы Талғат Тлес пен арнайы сала мамандары және оқушылар, студенттердің қатысуымен жиын өтті.

Өңірлік коммуникациялар қызметінде өнімдердің қауіпсіздігін мониторингілеу шеңберінде 2017 жылғы атқарылған жұмыс қорытындылары жария етілді. Бұл туралы облыстық қоғамдық денсаулық сақтау департаментінің басшысы Ұ.Аханаева баяндады. 

17-18 наурыз аралығында Қызылордада  самбодан жастар арасында ҚР чемпионаты өтеді. Дүбірлі додаға еліміздің барлық өңірлерінен 1998-1999 жылдары туылған 400-ге жуық жас спортшы қатысады деп күтілуде.

Бүгін Ұлыстың ұлы күні Наурыз мерекесі қарсаңында облыстық Қазақстан халқы Ассамблеясы және «Жылы жүрек» еріктілер тобының ұйымдастыруымен Талсуат мүгедектерді оңалту орталығында ем алушылар арасында спартакиада өтті.

Достық үйінің мәжіліс залында Елбасының  «Президенттің  әлеуметтік бес бастамасы» атты Қазақстан халқына Үндеуін насихаттауға арналған облыстық Ассамблея активінің отырысы өтті. Оған облыстық Ассамблея хатшылығының меңгерушісі Ләйлә Төрешова, Қорқыт Ата атындағы ҚМУ-дың оқу-ісі жөніндегі проректоры Абайбек Жүнісов, «Қазақстан Тұрғын үй құрылыс жинақ банкі» АҚ Қызылорда облыстық филиалының директоры Әділжан Сәулебаев, облыстық Мемлекеттік кірістер департаментінің «Талдау және тәуекелдер» басқармасы басшысы Темірлан Қожаназаров, облыстық кәсіпкерлер палатасы директорының орынбасары Ерлан Молдырайымов, облыстық Ассамблея жанындағы ғылыми-сарапшылық топ мүшелері, этномәдени бірлестіктер, Аналар кеңесі, «Қазақстан халқы Ассамблеясы» кафедрасы, облыстық, қалалық Қоғамдық келісім кеңесі, қаладағы кәсіби және кәсіби емес медиаторлар қатысты.

 Екі мыңға жуық отбасы қоныстанған Талсуат ауылы Қызылорданың іргесінде орналасқан. Дария жағасындағы елді мекеннің тарихы терең. Алғаш рет мұнда  1853 жылы жер аударылып келген орыс отбасылары қоныстанған. Олар бау-бақша өсіріп, мал ұстап, тұрақтағаннан кейін ауылдың ауқымы кеңейіп, халық саны артты.  Ауыл мектебіндегі мұражайға  жинақталған жәдігерлер өткен мен бүгіннен сыр шертіп, ел тарихынан, халық қамын ойлаған абзал азаматтардың өмір дерегінен хабар береді. Сол азаматтардың есімін ұлықтау  және  өскелең ұрпақтың санасына сіңіру мақсатында «Дария жағасындағы жаңарған ауыл» атты кітаптың да тұсауы кесілді.

 Облыстық оқу орталығы мектепке дейінгі білім беру мекемелеріне әдістемелік қолдау көрсету және  педагог қызметкерлердің кәсіби шеберлігін жетілдіруде біршарама  жұмыстар атқаруда. Өткен 2017 жылы  барлығы 30 шара  өткізіліп шара барысында  1604 маманға әдістемелік көмек көрсетілді. Мемлекеттік және жекеменшік балабақшалардың жаңашылдыққа негізделіп шығармашылықпен жүргізілген іс-тәжірибелері насихатталып, облыс көлемінде таратылуда.

    Болашақта қызылордалықтар қоғамдық көлікте электронды жолақымен жүруі мүмкін. Оның қыр-сырымен облыс әкімдігіндегі мәжілісте Орталық Азиядағы IBA Group компаниясының директоры Михаил Бунас таныстырды.