Сыр бойы

Мемлекет басшысы Н.Ә.Назарбаевтың бастамасымен 2014 жылдан бастап дәстүрлі түрде өткізіліп келе жатқан "Мерейлі отбасы" байқауының облыстық кезеңінде сырдариялық Бәйменовтер отбасы бас жүлде иеленді. Үлгілі әулет иелеріне байқаудың бас жүлдесін және республикалық кезеңге жолдаманы облыс әкімі Қ.Көшербаев табыстады. 

Елімізде “Рухани жаңғыру” бағдарламасы аясында республикалық “Өлкетану” акциясы басталды. Акцияның басты мақсаты – еліміздің әр аймағындағы мектеп оқушыларына киелі жерлерді таныстыру, жас ұрпақтың өз еліне деген сүйіспеншілігін арттырып, әрбір өлкенің табиғаты, киелі жерлері жайлы танымын кеңейту. Акцияға барлық облыстың мектеп оқушылары қатысады. 

10 маусым – Қазақстан кәсіподақтары мерекесіне орай “Кәсіподақтар жаңғыру жолында” ІІ облыстық кәсіподақтар форумы өтті. Шараға облыс әкімінің орынбасары Қ.Ысқақов пен жергілікті мекеме басшылары және бірқатар салалардағы кәсіподақ ұйымдарының  төрағалары қатысты.

  Шымкентте жас режиссерлар арасында дәстүрге айналған қысқаметражды фильмдердің байқауы басталды. Биылғы кинотуындылар сайысы Астананың 20 жылдық мерекесіне арналып отыр. Өткен жылы бұл фестиваль «Самғау-2018» атауымен өткен болатын. Оған 14 пен 29 жас аралығындағы 20 жас талантты режиссер бақ сынаған болатын. Ал Астананың мерейтойына арналған байқауға қатысушылар саны екі есеге көбеймек. 5-10 минуттық шағын туындыларда отбасы құндылықтары, жемқорлықпен күрес, спорт және бас қала Астана тақырыптары көрініс табуы тиіс. 

Париж ауруханаларының бірінде емдеу әдісі ретінде жапон бағы немесе қар басқан тау бейнеленген виртуалды көріністер қолданыла бастады. Дәрігерлердің айтуынша, бұл бір жағынан гипнозға ұқсайды. Ол науқастың ауырсынуын азайтып, қорқынышын басуға көмектеседі. Мысалы, емделуші жарасын таңу немесе шығып кеткен сүйегін салу сияқты әрекетті еш ауырсынбай жасатады. Ал мұндай тәжірибені алғаш болып, америкалық дәрігерлер қолданған екен, - деп хабарлайды 24Хабар.

Қазақстандықтар шілде айында 10 күн демалады.

Баспа, радио және интернет-журналистика саласындағы «Үркер-2018» ұлттық сыйлығының табысталуына санаулы күндер қалды.Байқауда отандық БАҚ өкілдері «Үздік фотосурет», «Үздік репортаж», «Үздік сараптамалық материал», «Үздік журналистік зерттеу», «Үздік сұхбат» сынды 14 аталым бойынша сынға түседі. Ал, «Үздік интернет-БАҚ» аталымында кімдер үздік атанады? Марапаттау қарсаңында ҚазАқпарат агенттігі қазақстандық жаңалық тарататын 10 танымал интернет-ресурсқа шолу ұсынады.

 Синоптиктер 12-14 маусым күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап. 

«Азаматтық бақылау» жобасы аясында ұйымдастырылған кезекті қоғамдық қабылдауда Еңбек, әлеуметтік қорғау және көші-қон комитетінің Қызылорда облысы бойынша департаментінің мамандары кеңес және бағыт-бағдар сұрай келген жеке тұлғалы азаматтарды қабылдады. 

Австралиядағы Харви бей қаласының тұрғыны Ким Флетчердің қантқа деген құмарлығы шектен асып, нәтижесінде ол ауыр дертке шалдыққан. 33 жастағы әйел екі сағат бойы тәттілерді жемесе күйзеліске ұшырап, ашуға қатты беріліп отырған. Алайда уақыт өте келе, бойына бар күшін жиған Ким қанты көп азық-түліктерден бас тартып, мүлдем басқа адамға айналды деп хабарлайды NUR.KZ.