Сыр бойы

Қазақстан кәсіпкерлерінің құқықтарын қорғау жөніндегі уәкіл Болат Палымбетов Қызылорда облысының кәсіпкерлерімен кездесу өткізді. Өңірдегі кәсіпкерлердің өзекті мәселелері талқыланған жиын барысында жер учаскесін алу және оны пайдалану мәселелері аймақтағы маңызды мәселелердің бірі ретінде көрсетілді.

Биыл Чернобыль атом электр станциясындағы ядролық апаттың орын алғанына – 30 жыл. Сол кезде батылдық жасап, бауырлас халыққа қол ұшын берген азаматтардың ерлігін жас ұрпақ мәңгі есте сақтауы керек. Осы мақсатта облыстық тарихи-өлкетану музейінде Чернобыль АЭС-ін залалсыздандыруға қатысқан қызылордалықтармен кездесу өтті. «Бейбіт өмірдің қаһармандары» деген атпен өткен басқосуға Әлиасқар Әукенов, Марат Қожақов, Жұмабек Шахатов, Айтжан Оразбақов сынды Чернобыль ардагерлері қатысты. Сондай-ақ, олармен жүздесу үшін мектеп оқушылары, студенттер келді.

Пекинде (Қытай) мүмкіндігі шектеулі спортшылар арасында жеңіл атлетикадан өткен Гран-при халықаралық лицензиялық жарысында жерлесіміз ИСЛАМ САЛИМОВ сәтті өнер көрсетті. Ол ұзындыққа секіруден жеңімпаз атанып, Азия рекордын орнатты. Сондай-ақ, 400 метрге жүгіруден бірінші болып келсе, 100 метрге жүгіруден күміс жүлдені еншіледі.

30 сәуір күні «Еуразия» спорт кешенінде ҚР Тәуелсіздігінің 25 жылдығына арналған қазақ күресінен облыстық «Алтын белбеу» ақтық сайысы басталады. Оған Қызылорда қаласы мен аудандардан 8 команда қатысады. Бұл туралы облыстық дене шынықтыру және спорт басқармасының баспасөз қызметі хабарлады.

Даму Қоры АҚ Қызылорда қаласындағы Кәсіпкерлерге қызмет көрсету орталығының кеңесшілері облыстық мүгедектерге арналған оңалту орталығында «Мүгедектік-бизнес ашуға кедергі емес» атты оқыту семинарын өткізді.

Қызылорда облысының кәсіпкерлер палатасы мен облыстық Әділет департаменті аймақта кәсіпкерлікті дамыту, саланың дамуында әкімшілік кедергілерді азайту мақсатында бірлескен іс-шаралар жоспарын қабылдап, әріптестік жөніндегі Меморандумға қол қойды.    

Талдықорғанда Алматы облысы әкімінің жүлдесі үшін қазақ күресінен «Жетісу бөрісі» турнирі өтті. Нәтижесінде Сыр өңірінің тумасы Ұлан Рысқұл жеңімпаз атанды, - деп хабарлайды BNews.kz.    

Жылдағы дәстүр бойынша егін науқаны кезінде өткізіліп жүрген «Дала күні» биыл Шиелі ауданында ұйымдастырылды. Шаруалар үшін бұл күн үлкен мереке. Аудан ақсақалдары мен ардагер диқаншылар егістікке күріштің дәнін себіп, науқанды бастап берді.

Алмас Өтешов пен Жасұлан Қыдырбаев Рио олимпиадасына бармайды. Бұл туралы бүгін БАҚ өкілдерінің сауалына жауап берген ҚР Мәдениет және спорт министрі Арыстанбек Мұхамедиұлы мәлім етті.

Ауыр атлетика бойынша екі дүркін олимпиада чемпионы Илья Ильин америкалық Доминик Уэйдті тізе бүктірген Геннадий Головкинді айқын жеңісімен құттықтады.