Сыр бойы

Облыстық орман шаруашылығы және жануарлар дүниесі аумақтық инспекциясында дөңгелек үстел өтті. Саладағы атқарылған жұмыстарды саралап, көктемгі аң аулауға тыйым салу жайын талқылаған жиынға облыстық орман шаруашылығы және жануарлар дүниесі аумақтық инспекциясы басшысының орынбасары Марат Нұрмағамбетов, облыстық табиғи ресурстар және табиғат пайдалануды реттеу басқармасының бөлім басшысы Жалғас Ахметов, ОІІД-нің ЖПҚ-нің ТҚПб инспекторы Төлеген Әлменов пен «Қансонар» АҚБжАШСРҚ-ның Қызылорда облысы бойынша өкілдігінің директоры Шахизад Төребаев қатысты.

К.Қаракөзов атындағы №235 орта мектепте «Асық ойыны» үйірмесінің тұсауы кесілді. Шараға облыстық «Рухани жаңғыру» орталығының басшысы Нұрлыбек Мыңжас қатысып, ұлттық ойынды дәріптеу арқылы оқушылардың тарихқа, салт-дәстүрге деген қызығушылығын арттыруға болатынын алға тартты.

Жалағашта 1-наурыз Алғыс айту күніне орай «Алғыс айту- парыз» атты кездесу өтті. Кездесуге аудан әкімінің орынбасары Жағыпар Тажмаханов, аудандық соттың бас маманы Ж.Қоңырбаев, «Жалағаш ауданының Төтенше жағдайлар бөлімі» РММ аға инженері А.Арапбаев, ауылдық округ әкімдері, түрлі этнос өкілдері, БАҚ өкілдері қатысты.

Жер дүние жаңарған көктемнің алғашқы күнінде Қазақ елі Алғыс айту күнін атап өтеді. Сондай-ақ, бүгін 1-наурызда Қазақстан халқы ассамблеясы құрылған.

Елорда әкімі Әсет Исекешевтің халықпен есептік кездесуінде белгілі болғандай, бас қаланың биылғы мерейтойына аймақтар бір-бір нысаннан салып бермек.

Облыстық сотта Алғыс айту күніне орай өткізілген салтанатты жиында «Үш би» төсбелгісін иеленген отставкадағы судьялардың тарихи тектік құжаттары алғаш рет ұлттық архив қорына табысталды.

ҚР ІІМ-нің 2014 жылғы 18 тамыздағы №517 бұйрығымен бекітілген Қағиданың 3-тармағы 3-тармақшасына және Қызылорда облысы бойынша ҚАЖ департаменті мен  Қызылорда облысы бойынша ІІД-нің 17.02.2018 жылғы №49 нқ/90 нқ бұйрығына сәйкес, пробация қызметтерінің есебінде тұрған қоғамнан оқшаулауға байланысты емес жаза түрлеріне сотталғандар тарапынан жасалатын құқық бұзушылықтың және қылмыстың қайталануының алдын алу, сондай-ақ іздеу жарияланған сотталғандардың тұрғылықты жерін анықтау мақсатында 2018 жылдың ақпан айының 19 мен наурыз айының 03 аралығында Қармақшы аудандық ішкі істер бөлімінің жергілікті полиция қызметі мен Қармақшы аудандық пробация қызметі өз ара  бірлесіп «Пробация» профилактикалық іс-шарасы өткізілуде.

Қызылорда облысы бойынша   ҚАЖ департаментіне қарасты  ЗК-169/1  мекемесінің қызметкерлері кезекті оқу-жаттығуы өткізді. Бұл жолғы жаттығулар Қызылорда қаласының №2 мамандандырылған өрт сөндіру мекемесімен бірлесіп, өрт шығу жағдайындағы дайындықты тексеруге арналды. Шара барысында өрт сөндіру машиналары, жеке құрамнан және еріктілерден жасақталған өрт сөндіруші топ тартылды.

Мемлекет басшысы Н.Ә.Назарбаевтың «Болашаққа бағдар: рухани жаңғыру» бағдарламалық мақаласынан туындаған міндеттерді орындау мақсатында және Сырдария ауданының 90 жылдығына орай аудан әкімдігінің қолдауымен аудандық мәдениет үйінің ұйымдастыруымен «Туған жер – тұнған шежіре» атты аудандық жазба ақындар мүшәйрасы өтті.

"Қазгидромет" РМК Қызылорда филиалының мәліметіне қарағанда, 1-3 наурызда Қызылорда облысының кей жерлерінде көктайғақ болады.