Сыр бойы

Ә.Тәжібаев атындағы облыстық әмбебап ғылыми кітапханасында жыр дүлділінің шығармашылығына арналған «Тәжібаев оқулары» жыл сайын өткізіледі.
Бүгін «Тәжібаев оқулары» аясында балалар әдебиет бөлімі «Сырға толы – сырлы ақын» атты жыр кешін ұйымдастырды. Мақсаты: Әбділда Тәжібаевтың өмірі мен шығармаларын жас ұрпаққа таныстыру, ақын өлеңдерінің мәні мен мазмұнына тоқталып, мәнерлеп оқу дағдысын жетілдіру, рухани танымын кеңейту.
Жыр кешіне №140 орта мектеп, №12 І.Қабылов атындағы орта мектеп оқушылары, «Рауан» интеллектуалды шығармашылық клубының белсенді мүшелері қатысты. Оқушылар ақын өмірі мен шығармашылығына тоқталып, өлеңдерін жатқа оқып, ақынның өлеңдеріне жазылған, туған жер, Отан туралы әндер шырқады.