Сыр бойы

Облыстық филармониядан барған Майра Сәрсенбаева, Шолпан Бимбетова, Әділхан Қуанбаев, Мұхамедәлі Бекпейісов және жерлесіміз  Күнсүлу Түрікпен Сыр сүлейлерінің дәстүрлі жыр-термелерін орындап, көрерменнің ыстық ықыласына бөленді.

– Биылғы жыл Тәуелсіз еліміздің 25 жылдық мерейтойымен тарих¬та қалды. Осы ұлық мереке аясында еліміздің түкпір-түкпірінде ұлттық құндылықтарымызды насихаттайтын түрлі мәдени шаралар ұйым¬дастырылды. Сыр елі де бұл айтулы мерекеге өз үлесін қосып, респуб¬ликалық дәстүрлі орындаушылардың фестивалін өткізді. Мерейтой Арқа төрінің сахнасында қорытындыланып, өнерсүйер қауымға рухани кеш сыйладық. Оның айғағы – дәстүрлі орындаушылардың осы жыр кеші. 

Сыр елінде 4 жыр мектебі жұмыс жасайды. Олар Жиенбай, Сәрсенбай, Нұртуған және Нартай атындағы жыр мектептері. Аталған мектептердің өкілдері дәстүрлі кеште Сырдың жыраулық дәстүрін насихаттады. Шараның ұйымдастырушысы Астана қалалық Мемлекеттік филармониясына ал¬ғысы¬¬мыз шексіз. Бабалар мұрасы әлі талай ұрпақтан ұрпаққа жалғасып, ғасырдан ғасырға аманаттала бермек, – дейді «Мәдениет саласының үздігі» төсбелгісінің иегері, белгілі жыршы Майра Сәрсенбаева.

Тәуелсіз еліміздің мәңгілік мұрасын жырлап, бабалар мұрасынан сыр шерткен мұндай кештің өскелең ұрпаққа берері мол.