Сыр бойы

Қазақстан Республикасы Тәуелсіздігінің 25 жылдығы аясында 13-16 қазан күндері Жаңақорған ауданы Машбек ауылында еңбек ардагері М.Нәлібаевты еске алуға арналған қазақ күресінен 23 жасқа дейінгі жастар арасында ҚР чемпионаты, түйе палуандар арасындағы халықаралық турнир өтеді.

* * *

14-15 қазанда Қызылордада Ақтөбе облысы күндері өтеді. Ақтөбе облысы күндері аясында бірқатар мәдени, әлеуметтік шаралар жоспарланған. 

Атап айтқанда, 14 қазанда сағат 18:30-да Н. Бекежанов атындағы облыстық драма театрында Ақтөбе облысы өнер шеберлерінің және шығармашылық ұжымдарының гала-концерті өтеді.

Сонымен қатар, 15 қазанда сағат 09:00-ден бастап қалалық «Тағзым» алаңында Ақтөбе облысы ауыл шаруашылығы өнімдерін өндірушілерінің жәрмеңкесі ұйымдастырылады.

Осы күні сағат 15:00-де облыстық Студенттер сарайында Ақтөбе қаласының Қ. Жұбанов атындағы АРМУ-дың «Тұмар» және С. Бәйішев атындағы АУ-дың «Алаш» жастар театрының қойылымы өтеді. Ал сағат 16:30-да Н. Бекежанов атындағы облыстық драма театрында Т. Ахтанов атындағы Ақтөбе облыстық драма театрының спектаклі қойылады.

Келіңіздер, көріңіздер! Өңірлер әріптестігіне бірге куә болайық!

* * *

Ал облыс орталығындағы Достық үйінде 18 қазан күні облыстық жастар форумы өтеді.