Сыр бойы

ҚР Тәуелсіздігінің 25 жылдығына орай және жұмысшы жастар арасында салауатты өмір салтын қалыптастыру мақсатында Қызылорда облыстық ішкі саясат басқармасының «Жастар ресурстық орталығы» КММ-сі жұмысшы жастар арасында кіші футболдан облыстық жарыс ұйымдастырды.
    Аталмыш футбол жарысы №2 Облыстық олимпиадалық резервтің мамандандырылған балалар-жасөспірімдер мектебінің залында өтті. Жарысқа Қызылорда қаласы мен аудандардан барлығы 8 команда қатысты.
    Командалар арасында аудандық ұйымдар мен мекемелерден құралған командалар, «Абзал и К», «Қазақстан темір жолы» АҚ және басқа да кәсіпорындардың командалары бар. Жарыс қорытындысына сәйкес жеңімпаз командалар ұйымдастырушылар тарапынан бағалы сыйлықтармен, дипломдармен марапатталды.
    Нәтижесінде, Жаңақорған ауданының "Байкен-U" командасы І орын, "Абзал и К ТС" командасы ІІ орын, Ішкі істер департаментінің командасы ІІІ орынды иеленді.