Сыр бойы

«Электрондық үкімет» порталын дамыту мақсатында 2011 жылдың 1 қаңтарынан бастап, Интернет арқылы некеге тұру туралы өтініш берудің жаңа электрондық қызметі енгізілді.

Неке қиюды тіркеуге берілген өтініш www.egov.kz электрондық үкімет порталында толтырылады.

Некеге тұру туралы өтініш берудің электрондық қызметі бірінші рет некеге тұрушы және электронды-цифрлы қолы бар, сондай-ақ, Интернетке қол жетімділігі бар Қазақстан Республикасы азаматтарына ғана таратылады.

Осыған байланысты, некеге тұрғысы келген адам үй-жайынан (үйден және жұмысынан) шықпай-ақ, сонымен қатар, ғаламшардың қай бұрышында болса да некеге тұру туралы электронды өтініш бере алады.

Ол үшін некені тіркеуге өтініш берушіге:

1.Авторлану және «Қызметке онлайн тапсырыс беру» батырмасы бойынша өту.

2.Өтінімде ерінің/зайыбының ЖСН көрсету және неке тіркелетін ЖАО тіркеу бөлімін таңдау.

3.Өтінімге ЭЦҚ қою (электронды цифрлық қолтаңба) қажет.

4.Бұрынғы ерінің/зайыбының өтініш беруді растауын алу. Өтініш 48 сағаттан артық емес растауды күтуі мүмкін, одан кейін күшін жояды.

Некені тіркеуді растаушыға:

1.Авторлану және «Қызметтерді алу тарихы » тарауында қол қоюды күту сұранымын таңдау.

2.Өтінімді толтыру және оған ЭЦП қою (электронды цифрлық қолтаңбамен).

3.Егер өтінішті беруші төлемесе, қызметті төлеу қажет.

Төлем туралы толығырақ

·Салық органын көрсету.

·ТТК 910 көрсету – Жалпы белгіленген тәртіп.

·Төлем тәсілін таңдау (кез келген банктің төлем карталары немесе «Сбербанк» АҚ ЕЮ дербес шоты арқылы).

·Төлем картасының/дербес шоттың мәліметтерін енгізу (нөмірі, иесінің ТАӘ, қолданылу мерзімі және CV-код).

·Төлемнің аяқталуы бойынша төлем туралы чек қалыптасатын болады. Барлық чектер жеке кабинетте «Қызметтерді төлеу тарихы» тарауында сақталады.

Электрондық өтінім беру үшін екі өтініш беруші де некеге алғаш отырған болуы және балалары болмауы қажет. Екінші және одан кейінгі некені тіркеуге өтінішті портал арқылы беру мүмкін емес.

Некені тіркеуге онлайн өтінішті некелесудің белгіленген күніне дейін 30 күнтізбелік күн бұрын беру қажет.

Сонымен бірге, электронды өтініш беруді енгізу некеге тұруға өтінішті жазбаша түрде беру мүмкіндігінен айырмайтындығын ескерген жөн.

Қызылорда қаласының №1 бөлімі