Сыр бойы

Бір айда Қазақстандағы бензин бағасы тұрақталады. Бұл туралы бүгін Орталық коммуникациялар қызметіндегі баспасөз мәслихатында ҚР Энергетика бірінші вице-министрі Ұзақбай Қарабалин мәлім етті.

«Бізде бензин бағасы (АИ-92/93) 124-тен 130 теңге аралығын­да болып тұр. Негізінен 125 тең­­­­ге көлеміндегі орташа баға бел­гі­­ленген болатын. Айдың барысында баға тұрақтап, қалыпты на­рық­тық жүйеге келтіріледі деген сенімдеміз. Бұдан әрі қарай жа­нар­май-жағармай бағасы айтар­лықтай тұрақты болады. Сонымен бірге бұл мәселе көбінесе біздің негізгі жеткізушіміз – Ресей қандай ба­ғамен сататындығына байланысты болады. Әзірге біздің мұнай өңдеу зауыттары толық қамтамасыз ету деңгейіне шығармайынша, ресейлік нарықтағы бағаға тәуелді боламыз», - деді министрдің орынбасары.

Сонымен қатар ол бензин баға­сының төмендеуі мәселесіне тоқ­талып өтті. «Егер нарыққа айтар­лықтай көп бензин жеткізілсе және оны бізге ұсынған бағамен алмайтын болсақ, әрине, сатушылар бағаны төмендетуге қадамдар жасайды. Менің ойымша, қазан-қарашада нақты нарықтық бағаларды көрген кезде, біз бұл жағдайды сезінетін боламыз», - деді Ұ.Қарабалин.