Жаңа номер

Сыр бойы

syrboyi@yandex.kz

+7 (7242) 40-02-17

Әлеуметтік желілерде Олимпиада чемпионы Илья Ильинді туған күнімен құттықтауда

24 мамыр күні қос дүркін Олимпиада чемпионы, төрт дүркін Әлем чемпионы, Азия ойындарының қос дүркін жеңімпазы, қазақстандық ауыр атлетші Илья Ильин 27 жасқа толып жатыр.

Қазақстандықтар әлеуметтік желілерде спортшыны туған күнімен құттықтауда.

ҚР Парламенті Мәжілісінің депутаты Мұхтар Тінікеев Фейсбук әлеуметтік желісіндегі парақшасында «Қымбатты Илья! Өзіңді туған күніңмен құттықтап, темірдей мықты денсаулық, болаттай мықты табандылық пен отбасылық береке, табыс тілеуге рұқсат ет!», - деп жазса, Бақыт Сыздықова «Туған күніңмен, жеңімпаз!!!», деп лебізін білдірген.

Илья Ильин 1988 жылдың 24 мамырында Қызылорда қаласында дүниеге келген. Отбасында үш ұл баланың кенжесі. Спортзалға алғашқы рет 6 жасында үлкен ағасы Андрейге еріп келді. Ағасы бокстан Қазақстан біріншілігінде бірнеше рет жеңімпаз атанған спортшы болатын.

Балалық қызығушылықпен ауыр темірлерді көтеруді үйренді. Арнайы секцияда жаттығуды 8 жасынан бастады. Алғашқы бапкері Вилорий Пак болатын.

Қазақстандық тұңғыш Олимпиада ойындарының екі дүркін чемпионы (2008, 2012), әлемнің төрт дүркін чемпионы (2005, 2006, 2011) және Қазақстан чемпионы. Қазақстанның еңбек сіңірген спорт шебері. «Динамо» спорт клубының құрамында өнер көрсетеді. Қазақстан Республикасы Ұлттық қауіпсіздік комитеті Шекара қызметінің аға лейтенанты.

ҚазАқпарат

ЖЕДЕЛ ЖАҢАЛЫҚТАР 24 мамыр 2015 г. 751 0