Сыр бойы

Ә. Тәжібаев атындағы облыстық  әмбебап ғылыми кітапханасының балалар әдебиеті бөлімі  Ұлы Жеңістің 70 жылдығына   Кеңес Одағының Батыры, қазақ халқының тұңғыш генералы Сабыр Рахымовтың өмірін, қызметі мен ерлігін насихаттау  мақсатында  9 сәуір күні  «Қазақтың тұңғыш генералы» атты тарихи-танымдық кеш өткізді.

Мақсаты - Кеңес Одағының Батыры, қазақ халқының тұңғыш генералы Сабыр Рахымовтың  өмірімен терең таныстыру, ерлікке толы өмірін үлгі ету. Отанын, халқын, тарихын Сабырдай сүйіп, Отанға адал қызмет етуге тәрбиелеу.
Кешті  №264 мектеп-лицейдің 2 «а» сынып оқушысы Шегебай Заңғар М.Мақатаевтың «Қырық бірінші жыл» өлеңімен ашты.  Шараға № 6 орта мектептің оқушылары қатысты. Балалар Кеңес Одағының Батыры Сабыр Рақымовтың өмір жолымен  және соғыстағы ерлігі туралы мәлімет алып, бейне-роликті тамашалады.  Сабыр Рақымовқа арналған арнау өлең,  патриоттық тақпақтар  оқылып, әндер шырқалды.
Сонымен қатар ««Тұңғыш  генерал - Сабыр Рахымов» атты кітап көрмесі ұйымдастырылды.