Сыр бойы

Қазалы ауданының әкімі Б. Жаханов Ұлы Отан соғысына қатысқан, бүгінде жастары 90-нан асқан Бағыбергенов Құлмұрат пен Смағұл Қабақтың отбасыларында болып, ҚР Президентінің Жаңа жыл мерекесімен құттықтауын жеткізді және ардагерлерге дәстүр бойынша шапан жауып, сый-құрмет көрсетті.

Бұл туралы Қазалы аудандық әкімдігінің баспасөз қызметі хабарлады.

Соғыс ардагерлері Қ. Бағыбергенов, Қ. Смағұл, Ө. Ахметов, Т. Меңей, Қ. Асқаров, Т. Тубабергенов Мемлекет басшысының еліміздің өсіп-өркендеуіне қосып отырған ерен еңбегін айта келе, Мәңгілік Ел жалпыұлттық идеясына қолдау білдіретіндігін жеткізді және мемлекет тарапынан ардагерлерге жасалып жатқан қамқорлықтары үшін алғыстарын білдірді.