Сыр бойы

Шиелі ауданы, Бәйгеқұм ауылдық округінде және Жаңақорған ауданы, Бесарық ауылдық округінде  150 орындық екі ауылдық клуб ашылды. Салтанатты шараға облыс әкімі Қырымбек Көшербаев қатысты.
–  Еліміздің ең басты ұлық мерекесі – Қазақстан Республикасының Тәуелсіздігі аясында және келе жатқан Жаңа жыл қарсаңында көптен күткен қуаныштарыңыз – жаңа ауылдық клубтың ашылуымен шын жүректен құттықтаймын. Елбасымыздың көреген саясатының арқасында біздің елімізде мәдениет саласын дамытуға қажетті жағдайлардың барлығы жасалған. Соның ішінде ауылдың мәдениетін көтеру, көркейту – басты міндеттің бірі, - деді аймақ басшысы.
Айта кетейік, биыл облыс бойынша 12 мәдени нысанның құрылысына мемлекет қазынасынан 1 млрд. 800 млн. теңгеге жуық қаржы бөлініп, бүгінгі таңда оның төртеуі ел игілігіне пайдалануға берілді. Енді ауыл азаматтарының жиналып, түрлі рухани кештер, шаралар ұйымдастыруына барлық жағдай бар.