Сыр бойы

Өнерімен тыңдарманды баураған Сыр елінің жезтаңдай әншісі Самал Байсейтова жеке шығармашылық концертін бермек. Әнімен жұртын тербеткен жерлесіміздің кеші Н.Бекежанов атындағы музыкалық драма театрында 31-қазан күні сағат 6:00-де өтеді.

Концертке ұстазы, КСРО халық әртісі Бибігүл Ахметқызы Төлегенова, Н.Тілендиев атындағы "Отырар сазы" оркестрінің дирижері Мүсілім Әмзе, Жамбыл атындағы мемлекеттік филармонияның әншісі Ф.Кубиев, Халықаралық республикалық конкурстардың лауреаты Қ.Құттымұратов, сондай-ақ, шәкірттері Ш.Тыныштық, Б.Жұмаханова, А.Қалдыбай қатысады. Ән мен жырды жанына серік еткен өнерпаз көрерменді керемет көңіл-күйге бөлері анық, олай болса жерлесіміздің кешінің куәсі болып, қолдау көрсетуге асығайық!