Сыр бойы

Сыр өңірінің медицинасында ілкімді істер атқарылып келеді. Осының нәтижесінде салада оң өзгерістер байқалады.
Облыстық денсаулық сақтау басқармасы баспасөз қызметінің мәліметіне сүйенсек, облыста өмір сүру ұзақтығы 68,9-дан 70,2 жасқа дейін жоғарылады. Сондай-ақ, жалпы өлім көрсеткіші 1000 халыққа шаққанда 3,3-тен 3,1-ге төмендеген. Ал
қатерлі ісік, туберкулезбен аурушаңдық көрсеткіші біршама төмен түсті. Туберкулезбен өлім көрсеткіші 100 мың халыққа шаққанда 4,2-ден 3,8-ге азайған. Қан айналым жүйесі ауруының 100 мың халыққа шаққандағы өлім көрсеткіші 67,3-тен 51,3-ке төмендеген. 2014 жылдың 8 ай қорытындысы бойынша ана өлімі 100 мың тірі туылған нәрестеге шаққанда былтырғы жылмен салыстырмалы тіркелген жоқ.