Сыр бойы

Қазалы ауданының мәдениет және тілдерді дамыту бөлімінің ұйымдастыруымен №170 орта мектепте үш тілді – қазақ, орыс, ағылшын тілдерін жетік меңгерген қабілетті жастарды анықтау және қолдау, көп тілді меңгерген тұлғаны тәрбилеу, өзге де халықтардың мәдениеті мен тілін құрметтеу мақсатында «Тілдарын – 2014» аудандық олимпиадасы өтті.
Онда18-25 жас аралығындағы онға тарта талапкер өзара тартысқа түсті. Сайыс берілген тақырыптың мазмұнын ашу, эссе жазу және мәтінге аударма жасау бойынша үш кезеңнен өткізілді. Аудандық білім бөлімінің әдіскері С.Бердібекұлы, №216 мектептің орыс тілі пәнінің мұғалімі Д.Катаева, №170 мектептің қазақ тілі пәнінің мұғалімі Б.Орынбай, №234 мектептің ағылшын тілі пәнінің мұғалімі Н.Арзиева қатысушылардың білім деңгейін сарапқа салды.
Нәтижесінде №249 мектеп-лицей мұғалімі Мейрамкүл Өтегенова І орынды жеңіп алып, облыстық олимпиадаға жолдама алды. Жүлделі ІІ, ІІІ орындарды №100 мектептің мұғалімі Нұргүл Сарманова, №70 мектептің мұғалімі Нәзерке Асамадинова иеленді. Жеңімпаздар диплом, бағалы сыйлықтармен марапатталды.