Сыр бойы

Қызылорда облысының бас санитар дәрігерінің №11 қаулысына сәйкес бүгіннен бастап шағын және орта кәсіпкерліктің кейбір салаларының қызметіне сағат 09:00-18:00 аралығында рұқсат берілді. 

Олар:
1. Көлемі 500 шаршы метрден асатын құрылыс, сантехника және көлік құралдарына қосалқы бөлшектер сататын дүкендер;
2. Көлік салондары;
3. Баспа қызметі;
4. Өртке қарсы және күзет құрылғыларына сервистік қызмет көрсету;
5. Тігін шеберханалары.

Дегенмен, кәсіпкерлік субъектілері келесі санитарлық шарттарды қатаң сақтауы қажет:
1. Келушілерге арналған антисептикалық заттардың болуы;
2. Ғимаратты сағат сайын дизенфекциялау, тазалық жұмыстарын жүргізу, есік тұтқаларын, терезелерді, еденді өңдеу;
3. Кезектілік тәртібін енгізу, бір мезетте дүкен ішінде 2-ден артық тұтынушының болмауын қамтамасыз ету.