Жаңа номер

Сыр бойы

syrboyi@yandex.kz

+7 (7242) 40-02-17

Қызылорда қалалық «Jas Otan» жастар қанатының төрағасы сайланды

Қызылорда қалалық «Jas Otan» жастар қанатының төрағасы болып Сабыржан Кеңшілік сайланды. Ол жыл басынан бері сондай-ақ қалалық «Жастар ресурстық орталығы» КММ директоры қызметін атқарып келеді.

Сабыржан Бауыржанұлы 1994 жылы Қызылорда қаласында дүниеге келген. Қызылорда қаласына қарасты №12 І.Қабылов атындағы орта мектебінің түлегі. М.Мәметова атындағы Қызылорда гуманитарлық колледжінде есептеу техникасы және бағдарламалық қамтамасыз ету мамандығы бойынша білім алған. Одан кейін «Ақмешіт» институтында оқыды.

Еңбек жолын 2012 жылы «Қызылорда жастары» қауымдастығының еріктілермен жұмыс жасау бөлімінің жетекшісі қызметінен бастаған. Әр жылдары «Қызылорда – Ақиқат Айнасы» жастар қоғамдық бірлестігінің жоба үйлестірушісі, қалалық қосымша білім беру оқу-әдістемелік орталығының әдіскері, «Көшбасшылар» клубының жетекшісі, «Сана» зияткер жастар мектебі» қоғамдық қорының президенті, Жалағаш аудандық оқушылар үйі "Цифрлық лаборатория" кабинетінің меңгерушісі болды.

Сабыржан Бауыржанұлы - облыс әкімінің «Сыр үміті» жастар сыйлығының иегері, ұлттық тренерлер пулінің тренері, «Жастар қызметкерлері» қауымдастығының мүшесі.

Сб-ақпарат.

ЖЕДЕЛ ЖАҢАЛЫҚТАР 29 сәуір 2020 г. 558 0