Жаңа номер

Сыр бойы

syrboyi@yandex.kz

+7 (7242) 40-02-17

Бұл атүсті қарайтын ауру емес

Коронавирустың ел көлемінде таралуына тосқауыл қою үшін Мемлекет басшысы төтенше жағдай жариялағаны мәлім. Бүгінгі мәлімдемесінде оның 11 мамырға дейін ұзартылғанын білдік. Бірақ халық карантин режимін біртіндеп жеңілдету өзіміз үйренген күнделікті тіршілікке қайта оралу емес екенін түсінуі тиіс.

Өйткені қауіпті індеттің адамдардың денсаулығына, қала берді, тұрмысымыз бен ел экономикасына қаншалықты әсер етіп жатқанын күнделікті статистикадан да, түрлі мысалдардан да естіп-көріп жүрміз. Бұл атүсті қарайтын ауру емес. Әркім өзі мен өзгелер үшін бірдей жауапты екенін сезінгені жөн.

Бұл туралы Президент: "Қауіпсіздік шараларын қатаң сақтаған жөн. Онсыз болмайды. Олай етпесек, індеттің жаңа ошақтары пайда болуы мүмкін. Коронавирусқа жеңіл-желпі қарауға болмайды. Карантин талаптарынан бір сәтте бас тартсақ, дертті қайтадан өршітіп аламыз", - деп атап өтті.

Сондықтан әлемді әлекке салған жұқпалы дерттің беті толық қайтпайынша дәрігерлер айтқан нұсқаулық талаптарын орындап, сақтық шараларына мән беру арқылы ғана біз бұл қиындықты еңсере аламыз.

Ақерке ЖОЛМАХАНОВА,

Қорқыт Ата атындағы ҚМУ-дың аға оқытушысы, PhD доктор.

ЖЕДЕЛ ЖАҢАЛЫҚТАР 27 сәуір 2020 г. 412 0