Сыр бойы

Қызылорда облысында коронавирус инфекциясын жұқтырғандар саны 179-ға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысы Жақсылық Абдусаметов мәлімдеді.

«Соңғы тәулікте 9 жағдай анықталды. Оның ішінде, 8-і- Қызылорда қаласынан болса, 1-уі- Қармақшы ауданынан. Қызылорда қаласынан анықталған 8 деректің біреуі – провизорлық ауруханаға жатқызылған науқастан тіркелсе , алтауы- медицина қызметкері , біреуі- індет жұқтырған науқаспен байланыста болған азамат. Сондай-ақ, Қармақшы ауданынан анықталған науқас- Тараз қаласының тұрғыны. Қазіргі таңда науқастардың жағдайы бірқалыпты, емдерін алуда»,- деді бас дәрігер.

Сонымен қатар, індет жұқтырған науқастармен қарым-қатынаста болған - 2449 азамат анықталды. Оның 1291-і жақын байланыста болса, 1158-і жанама қарым-қатынаста болған.