Сыр бойы

 Қазалыда карантин талаптарын елемей, мас күйде көлік рулін тізгіндеп, жол-көлік оқиғасына себепші болған тұрғынның ісі сотта қаралды. Абырой болғанда, адам шығыны жоқ, - деп хабарлады аудан әкімдігінің баспасөз қызметінен.

Аудандық сотта анықталғандай, ол көлік қозғалысына қойылған шектеуге пысқырып қарамаған. Қарсы беттегі көлікке соғып, жол жиегінде тұрған темір қоршау мен контейнерлі дүңгіршекке зақым келтірген. Осылайша жәбірленушілерді материалдық шығынға ұшыратты. Сот қаулысымен кінәлі тұрғын әкімшілік қамаққа алынып, заңда көзделген мерзімге көлік тізгіндеу мүмкіндігінен айырылды.

Сорақысы, оның көлік басқару құқығы болмаған. Оған төтенше жағдай талабын орындамағаны, ішімдіктен ұрттағаны тағы бар.