Сыр бойы

Қызылорда облысы ҚАЖ департментіне қарасты ЗК -169/5 мекемесінде сотталған  азамат шарты түрде мерзімінен бұрын босатылды. №2 Қызылорда қалалық сотының қаулысы негізінде сотталған Б.есімді азамат  мерзімінен бұрын шығарылды.

Босатылушы сотталған ҚР Президентінің жанындағы төтенше жағдайды қамтамасыз ету жөніндегі мемлекеттік комиссиясының короновирусының таралуын болдырмау мақсатында 15 сәуірге  дейін қалалық өмірлік қиын жағдайда қалған адамдарды қайта әлеуметтендіру орталығына уақытша орналастырылды. Босатылушы Б. есімді азамат Байқоңыр қаласының тұрғыны болуына байланысты туыстарымен және Байқоңыр қаласының пробация қызметінің қызметкерлерімен хабарласып, Байқоңыр қаласының бақылау-өткізу пунктіне ЗК-169/5  мекеме қызметкерлерінің еріп жүруі арқылы жеткізілді. Туыстары мен Байқоңыр қалалық пробация қызметкерлеріне тапсырылды. Оған маршрут парағы мен еліміздегі болып жатқан төтенше жағдай және шектеулер туралы «Төтенше жағдай туралы» ҚР Заңының 15, 22 /1/ баптары, ҚР ҚК 304 баптары, ҚР Әкімшілік кодексінің 476, 478 баптары туралы түсіндірме жұмыстары жүргізіліп, ҚР төтенше жағдай кезіндегі «Босатылатын тұлғаға арналған жадынама» берілді.