Сыр бойы

ҚР Тұңғыш Президенті, Елбасы Н.Ә.Назарбаевтың елі­міздегі тө­тенше жағдайға байланысты «Бір­лесе білген ел бәрін жеңеді» атты мақаласы жария­ланды. Онда бүкіл әлемді алаңдатып отырған індеттің адам­затты үрейлендіріп, қауіп-қа­тер төндіргенде ха­лықты сабырға ша­­қыратын, парасатты ойларын білдірді.

Қазіргі таңда әлемде 1 млн 500 мыңнан астам адам осы індетті жұқтырып, ондаған мың адам құрбан болып отыр. Сонымен қатар, қауіпті індет дүниежүзінің экономикасына орасан зор қиыншылықтар әкелуде. Алып өнеркәсіп орын­дары жұмыс­та­рын тоқ­та­тып, мұнай бағасы құл­дырады.

Біздің еліміз қауіпті індет­тің алдын алуда бірқатар жұмыстарды бастады. Көп­теген сақтандыру шара­лары жасалды, жоғары оқу орын­дары, колледждер мен мектептер қа­шықтықтан оқыту жүйесіне ен­діріл­се, ба­зарлар, театрлар, ойын-сауық орталықтары, көрмелер және т.б. жұмыстарын уақытша тоқтатты. Сонымен бірге олар жыл соңына дейін мүлік салы­ғынан босаттылды. Қа­зақ^­станда 1 млн 300 мыңға жуық шағын және орта бизнес субъектісі бар. Бұл кәсіпорындарда 3,5 млн адам еңбек етеді. Эко­номи­камыздың тірегі боп сана­латын шағын бизнес індет тудырған қиыншылықтарға байланысты енгізілген каран­тиннен кейін жұмысшыларын демалысқа жібергені рас. Оларға үкімет тарапынан үлкен қолдау көрсетіледі.

Салық салудың жалпы тәртібінде жұмыс істейтін жеке кәсіпкерлер жыл аяғына дейін жеке табыс салығын төлемейді. Сонымен бірге, шағын және орта бизнесті еңбекақы төлеу қорынан төленетін салықтар мен әлеу­меттік төлемдерден 1 қа­занға дейін босату көзделген.

Мақалада Тұңғыш Прези­дент аға ұрпақ пен зиялы қауым өкілдеріне зор үміт артып, халықты ынтымаққа шақырып, ізгі жақсылықтар жасауға салауатты өмір салтын ұстауға, еңбекке баулуға, кейінгі ұрпаққа үлгі-өнеге көрсетуге шақырды. Со­ны­­мен қатар, індеттен келген қиын­дық­тарды еңсеру үшін барлық қа­жет­ті шаралар да қабылдайтынын жеткізді.

Жас ұрпаққа да жігерлі жылы ле­біздерін білдірді. «Аға ұрпақ сендер үшін қолдан келгенінің бәрін жа­сады, енді сендердің де күш- қайрат жұмсайтын кездерің келді», – деп жастарды да отансүйгіштікке, өзгеге қам­қорлыққа, еліміздің дамуы­на аянбай еңбек етуіне жол көрсетті.

Атақты ғұлама Әбу Әли ибн Сина кезінде «Үрей – дерттің жартысы, байсалдылық – денсаулықтың жар­­ты­сы, сабыр – сауығудың басы» деп даналық сөзін айтқан бола­­тын. Біз ұлт болып ұйыса білсек, әлеу­меттік жағдайымыз да жақ­сарып, экономикамыз да қалпына келіп дамиды, індет те жойылады. Халық темірдей тәртіпке бағынып, еліміздің заңдарын қатаң сақтап және індет­пен күресіп жатқан медицина қыз­меткерлеріне көмектесуіміз керек.

Сәкен СЕРІКБАЕВ,

тарих ғылымдарының кандидаты.