| « Қараша 2024 » | ||||||
|---|---|---|---|---|---|---|
| Дс | Сс | Ср | Бс | Жм | Сб | Жс |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
Биылғы жаз бен күзде ауа райы қандай болады?
Синоптиктер сәуірден бастап қазан айына дейінгі ауа райы болжамын жария етті, деп хабарлайды ҚазАқпарат Қазгидрометке сілтеме жасап.Республиканың басым бөлігінде көктем жылы және жауын-шашынды болады деп болжануда. Сәуір айында ауа температурасы республиканың шығыс бөлігінде нормадан 1°С жоғары, батыс бөлігінде норма шамасында болады деп күтілуде.
Мамыр айында, керісінше, ауа температурасы еліміздің оңтүстік-батыс бөлігінде нормадан 1°С жоғары, солтүстік - шығыс бөлігінде норма шамасында, Павлодар облысының шығысында және Шығыс Қазақстан облысының солтүстігінде нормадан 1°С төмен болады деп болжануда. Жаздың басталуы Қазақстанның батысы мен шығысында норма шегінде болжанып отыр, қалған аумақта ауа температурасы климаттық нормадан 1°С-қа жоғары күндер басым болады.
Маусым айында Қазақстанның солтүстік-шығыс бөлігінде жауын-шашын және оңтүстік-шығыстың кей жерлерінде норма шегінде күтіледі, қалған аумақта жауын-шашын мөлшері – нормадан төмен.
Жаздың басым бөлігі ыстық және жаңбырлы болмайды деп күтіледі, алайда кейбір күндері күн жылуымен қуантады. Осылайша, шілдеде ауа температурасы елдің барлық аумағы бойынша норма шамасында, тамызда тек батыста және солтүстік-батыста кей жерлерде температура нормадан 1°С жоғары, қалған аумақта норма шамасында болады деп күтілуде.
2020 жылдың күзі еліміздің басым бөлігінде жылы болады деп болжануда, қыркүйек айында Қазақстанның басым бөлігінде жауын-шашын нормадан төмен болады, еліміздің солтүстігінде, батысында, шығысында және оңтүстік-шығысында кей жерлерде норма шегінде болады, қазан айында – ҚР солтүстік-батыс бөлігінде жауын-шашын нормадан жоғары, оңтүстік-шығыс бөлігінде – норма шамасында, республиканың солтүстік, орталық, оңтүстік-батыс өңірлерінің басым бөлігінде, оңтүстік және солтүстік-батысында кей жерлерде нормадан төмен болады деп болжануда.
Синоптиктердің мәлімдеуінше, маусымдық болжам ауа температурасы мен жауын-шашынның климаттық нормадан ауытқуын білдіреді, яғни бір ай нормаға қатысты жылы немесе суық, жаңбырлы немесе құрғақ болады.
Маусымдық болжамдардың орташа ақталуы 60-65%-ды құрайды, себебі болжамның қателігі ол әзірленетін мерзіммен бірге өседі. Сондықтан маусымдық болжамды консультативті ретінде пайдалану керек, ол кейіннен бір айға, онкүндікке, аптаға арналған ауа райы болжамдарымен нақтыланады.
Едел-Жедел
12 мамыр 2020 г.
2 103
0
12 мамыр 2020 г.
1 925
0
12 мамыр 2020 г.
1 614
0
12 мамыр 2020 г.
1 767
0
12 мамыр 2020 г.
1 887
0
12 мамыр 2020 г.
1 627
0
12 мамыр 2020 г.
2 099
0
12 мамыр 2020 г.
1 667
0
12 мамыр 2020 г.
1 654
0
12 мамыр 2020 г.
1 768
0
Күнтізбе
© 2019. Құқығымыз толыққанды қорғалған. Материалдарды пайдаланған жағдайда сайтқа және авторға сілтеме жасау міндетті.
Меншік иесі: «Сыр медиа» жауапкершілігі шектеулі серіктестігі.
Облыстық «Сыр бойы» газеті редакциясы.