Сыр бойы

Қазақстан Республикасы Президентінің Жарлығына сәйкес төтенше жағдай режимі кезінде бірінші кезекте қоғамдық тәртіпті сақтау қатаң бақылауға алынды.

Стратегиялық маңызы бар объектілерде қауіпсіздік шаралары күшейтілді. Адамдар көп жиналатын орындардың  қызметіне сағат 22.00-ден кейін шектеулер қойылды.

Ойын-сауық, спорттық және басқа да бұқаралық iс-шара­ларды өткiзуге тыйым салынды.

Соған қарамастан, облыс бойынша төтенше жағдай кезін­де режимді бұзып, сағат 22.00-ден кейін жұмыс жасағаны үшін 20 кафе-тойхана иелеріне және үйлерінде той өткізгені үшін 2 үй иесіне қатысты Әкімшілік құқық бұзушылық туралы кодексінің 476-бабымен хаттамалар толтырылған. Бұл туралы облыстық прокуратура хабарлады.

Мысалы, Қазалы аудандық сотының қаулысымен 1 тойхана иесі 7 тәулік мер­зімге әкімшілік қамауға алынса, 1 тойхана иесіне 10 айлық есептік көрсеткіш мөлшерінде айыппұл салынған.

Төтенше жағдай кезінде жалған ақпарат таратқаны үшін Қылмыстық кодекстің 274-бабымен қылмыстық жауап­тылық қаралған. Ол үшін 3 жыл­дан 7 жылға дейін мерзімге бас бос­тан­дығын шектеу не сол мерзімге бас бостандығынан айыру жазасы көзделген.

Облыс бойынша төтенше жағдай кезінде көрінеу жалған ақпарат таратқаны үшін бірнеше тұлғаға қатысты Қыл­мыстық кодекстің аталған бабымен 5 қылмыстық іс қозғалды, олар бойынша тер­геп-тексеру жұмыстары жүр­гізілуде.

Қазақстан Республи­касы­ның Прези­денті төтенше жағ­дай режимін бұзу жағ­дайлары бойынша қолданылатын жа­заны барынша қатаңдатуды тапсырды.

Бұл ретте, төтенше жағдай кезінде белгiленген режимдi бұзу, талаптарды орындамау, көрінеу жалған ақпараттарды тарату жағдайлары бойынша қатаң шаралар қабылданады делінген облыстық прокуратура мәлімдемесінде.