Сыр бойы

Қызылорда облыстық филармониясының ұйымдастыруымен «Сазды мұра» атты Тұрмағамбет атындағы халық аспаптар оркестрінің түркі тілдес әуендерден концерті өтті.

 Тұңғыш Президент – Елбасы Нұрсұлтан Назарбаевтың «Ұлы даланың жеті қыры» мақаласы  аясында өткен концертте түркі тілдес халықтардың күйлері мен әндері, бақсылық әуендер, көмеймен орындаушылық, шаңқобызға арналған композициялар орындалды. Оркестр дирижерлары – «Мәдениет саласының үздігі» төсбелгісінің иегері Күлдәрі Ізбанова, Руслан  Балмасов.

Кеште «Ерен еңбегі үшін» медалінің иегері, жырау Руслан Ахметов, «Құрмет» орденінің иегері Самал Байсейтова, Халықаралық конкурстардың лауреаттары Бисенбек Төлеубаев, Сымбат Тасбергенова, Мақсат Махулбеков, Ақылбек Табынбаев және  сазсырнайда «Ақмешіт» фольклорлық ансамблінің әртісі Ақнұр Аманбаева, шаңқобызда «Мәдениет саласының үздігі» төсбелгісінің иегері Мырзағали Толыбеков,  шертерде Бағдат Құдайбергенов өнер көрсетті.