Сыр бойы

Инвестициялық субсидия­лау бағдар­ла­масының іске асы­рылуын талдау барысында Атырау, Маңғыстау, Түркістан облыстарынан, Алматы және Шымкент қалаларынан басқа республиканың барлық өңірлері бойынша шамамен 20 млрд теңге сомаға инвестициялық суб­­­си­­дияларға қосымша қа­жет­­ті­ліктің бар екені анық­талды. Қосымша қаражат өсім­­­­дік шаруашылығы, мал шаруа­­шылығы, қайта өңдеу және ауыл шаруашылығы тех­ни­­касы паркін жаңарту сала­сындағы 1130 шаруашылыққа субсидия беру үшін қажеттігі туындап отыр.

Осыған байланысты, рес­пуб­­­ли­калық бюджеттен 2019 жылға қарастырылған субси­­диялау бағ­дарламаларына бөлін­ген қара­жатты тиімді пайдалану мақ­­сатында және облыс әкімдері орын­басар­ларынан келіп түс­кен хат­тарға сәйкес Ауыл шаруа­шылығы министрлігі Қаржы министрлігіне басқа субсидиялау бағдарламаларынан боса­ты­латын жалпы сомасы 19,1 млрд теңге көлеміндегі қаражатты инвестициялық субсидиялауға қайта бөлу туралы өтінім жолдады. Осылайша маңдай терден несібесін терген еңбекші қауым үшін бұл жағымды жаңалық болып отыр.

Елімізде мал шаруашылы­ғымен айналысатын 18 мың шаруа қожалығы субсидияға өтінім берген. Алайда 2019-2021 жылдарға арналған мем­ле­кеттік бюджетті нақты­лау жобасында бұл бағыт ес­керіл­мепті, деп хабарлады жуыр­да «Хабар 24kz». Ауыл шаруа­шылығы министрлігінің есебінше, қо­сым­ша 36,5 млрд теңге қажет.

Еліміздегі ауыл шаруашы­лығы өнімдерінің 45%-ін мал шаруашылығы құрайды. Биыл саланы қаржыландыруға бюджеттен 77 млрд теңге бөлінген. Асыл тұқымды мал өсіріп, сапалы өнім өндіруге бет бұрғандар көп.

Фермерлер субсидияға иек артады. Қазір саланы дамытуға ден қойғандар аз емес. Дегенмен, проблемалар туындай бастады. Мысалы, қазірдің өзінде 18 мың шаруаға 36,5 млрд теңге субсидия қажет. Бұл ұсынысты Ауыл шаруашылығы министрлігі бюд­жетті нақты­лау бо­йынша заң жобасына енгізуді сұраған. Алайда, Қаржы министрлігі са­ланы қаржыландырудың тиім­­­­ді­лігіне күмәнді. ҚР Қар­жы вице-министрі Берік Шолпанқұлов:

«Ауыл шаруашылығы министр­лігінен өтініш түсті. Біз өз тарапымыздан субси­дия­лаудың тиімділігіне дәлел ұсынуды сұрадық. Әрбір дерек қаралады. Бірақ бюджетті нақтылау сәтінде бұл дәлелдер келтірілмеді. Біз толыққанды сараптама сұраған болатынбыз. Қазына қаржысы нақты қайда жұмсалатынын білгіміз келді. Жолданған құжаттар бізді қанағаттандырған жоқ», деді.

Аталған қаржы асылтұқым­ды мал шаруашылығына қа­тысты бөлінеді делінген болатын. Жуырда бірқатар депу­­таттар қаржының бюджетке енгізілмегеніне қарсы пікір­лерін білдірді. Ал қаржы министрлігінің уәждері жоға­рыдағыдай. Ең дұрысы, есеп­тің, талдаудың сауатты бол­ғанын қалайды. Біздің бұған қосарымыз – бюджет қаржысы, әлбетте, нақтылықты талап етеді.

«СБ» экономика.