Сыр бойы

«Азаматтарға арналған үкімет» мемлекеттік корпорациясы күзгі сыйлықтар марафонын Инстаграм әлеуметтік желісінде «Цифрлы сәби» байқауымен жалғастырады. Байқауға 1 жасқа дейінгі бала күтіміне байланысты берілетін жәрдемақыны egov.kz порталы арқылы электронды түрде рәсімдеген ата-аналар қатыса алады.

Ол үшін:

- 1-15 қараша аралығында #цифрлысәби хэштегімен gov4c.kz аккаунтын белгілеп, сәбиіңіздің тақырыптық фотосын инста-парақшаңызға шығарасыз;

- фотода міндетті түрде «Азаматтарға арналған үкіметтің» кез келген белгісі болуы шарт. Мысалы, логотип, киім үлгісі, брендбуктегі түсі. Өнерлі оқырмандар қолдағы бар құралдан арнайы логотип жасаса немесе сурет салса болады;

- постыңызда 5 досыңызды белгілейсіз және байқау аяқталғанша парақшаңызды ашық қалдырасыз. Байқау қорытындысы лайк санымен анықталып, 15 қарашада жарияланады.

Жеңімпаздар «Sweety» бренді жөргектерінің бір айлық қорын, сондай-ақ балалы анаға қажет өзге де сыйлықтардың иесі атанады.