Сыр бойы

  5-31 қазан күндері облыс көлемінде «Браконьер» жедел-профилактикалық іс-шарасы өтті.

Арнайы мобильдік топ құрылып, жұмылдырылған шара барысында 214 экологиялық заңбұзушылық анықталды. Оның ішінде заңсыз ағаш, бұта кесудің – 3, заңсыз аң аулау және аң аулау ережелерін бұзудың – 136 (оның ішінде 4 заңсыз аңшылық), заңсыз балық аулаудың – 53, азаматтық қару тасымалдау, сақтау ережесін бұзудың 22 дерегі тіркелді. 9 қылмыстық іс қозғалып, сотқа дейінгі тергеп-тексеру амалдары жүргізілуде.

Заңсыз аң, балық аулап, бұта, ағаш кесіп ұсталған 7 автокөлік тәркіленіп, айып алаңдарына жеткізілді.

Атап айтқанда, 12 қазанда Жаңақорғанда аудан тұрғынының көлігі тоқтатылып, тексеру барысында жүксалғышынан заңсыз тасымалданған сексеуіл бұталары табылды. Аталған дерек бойынша Қылмыстық Кодекстің 340-бабының 1-бөлігі бойынша сотқа дейінгі тергеп-тексеру жүргізілуде.

23 қазан күні Қармақшы ауданының Иіркөл ауылы тұсында 2 азамат түн мезгілінде қасқалдақ, үйрек атып жүрген жерінен ұсталды. 20 құстардың денесі табылды. 1 аңшы мылтығы айғақ зат ретінде алынды. Әкімшілік құқықбұзушылықтар туралы кодекстің 382-бабына сәйкес хаттамалар толтырылды. Мемлекет пайдасына материалдық шығын өндіріледі.

Осыған сәйкес облыстық полиция департаменті мұндай жағдайларда заң бұзушы әкімшілік және қылмыстық жауапкершілікке тартылатынын ескертеді.

Облыстық полиция департаментінің баспасөз қызметі