Сыр бойы

  Облыс әкімдігінің баспасөз орталығында өткен брифингте облыстық білім басқармасының басшысы Майра Мелдебекова Президент Жолдауынан туындаған міндеттер мен алдағы жоспарлар және биылғы тоғыз айда атқарылған жұмыстар туралы баяндады.

Оның айтуынша, облыста үш жыл қатарынан түлектердің университеттер мен колледждерге түсу көрсеткіші 97 процентке жеткен. Биыл түлектердің 60 проценттен астамы жоғары оқу орындарының мемлекеттік грант иегері атанған. Қазіргі кезде облыс экономикасын бі­лік­ті кадрлармен қамтамасыз ету мақсатында мемлекеттік бі­лім беру тапсырысы аймақтың ма­мандарға деген сұранысы негі­зінде орналастырылуда. Нәти­жесінде 2019-2020 оқу жылына 22 жаңа мамандық ашылған.

– Президент Жолдауындағы негізгі міндет – дарынды балаларды қолдау, олардың білім алуына жағдай жасау. Биылғы оқу жылында Арал ауданында облыстық дарынды балаларға арналған жаңа мектеп-интернаты құрылды. Ендігі міндет – түлектердің әлемнің ең үздік оқу орындарына түсуіне жағдай жасау. Ауыл мен қала мектептері арасындағы сапа айырмасын болдырмау. Бұл мақсатта мек­теп­тердің материалдық-техни­калық базасын нығайту шаралары кезең-кезеңімен жалғасады. Дарынды балаларды анықтау, дамыту және оларды қолдау бағытында облыстың кешенді жоспары әзірленуде, – деді ол.

Аймақта ұстаздарды қолдау мақсатында жүйелі жұмыстар атқарылуда. Атап айтқанда, соң­ғы үш жылда «Дипломмен ауылға» бағдарламасы аясын­да 600-ден аса мұғалім жеңіл­детілген несие арқылы баспаналы болса, бұдан бөлек, ауылдық оқытушыларға жылына бір рет коммуналдық шығындарға өтемақы төленуде.

Өңірде инновациялық мектептер желісі құрылып, ғылыми-инновациялық, математикалық жобалау және робототехника бағыттары дамуда.

– Барлық мектептер кең жо­лақты интернет желісіне қосы­лып, цифрлық білім беру ре­сурс­тарымен жұмыс жасауда. Шағын жинақталған мек­тептер оқуға қажетті «Bilim­Book» ке­шен­дерімен қамта­масыз етілді. Аймақ мектеп­терінің 60 проценті жаңа модифи­кациялық пәндік кабинеттермен қамтамасыз етіл­се, компьютерлер 100 процент жаңартылды. Мектептерде «STEM» бағдарламасы енгізіліп, 43 процент робототехника кабинеттерімен жабдықталды,– деді басқарма басшысы.