Сыр бойы

«Ғалымның хаты өлмейді» демекші, «Қызылорда облысының мемлекеттік архиві» КММ-нің қоғамдық-саяси тарихы бойынша филиалының қорында «Сыр елінің ғалымдары» қор қоллекциясы сақтаулы. Ғалымдардың өмір жолын кейінгі ұрпаққа жеткізу, ұлттық құндылықтарды жоғалтпау мақсатында олардың құжаттарын әрі қарай жинақтап, тарихымызға қатысты құнды деректерді, қолжазбаларды архив қорына толықтыру бойынша филиал басшысы Гүлшат Ахметованың басшылығымен ауқымды жұмыстар жүргізілуде.

Бүгін ғалым-ұстаз, тарихшы, профессор, «Қызылорда қаласының Құрметті азаматы», өлкетанушы Мәди Құрманұлы Киреевке қатысты құжаттарды өлкетанушы жерлесіміз, «Бірқазан туған ауыл тарихы», «Қанішер Гержодтың қолжазбалары», «Қанішер Гержодтың ізімен» атты кітаптардың авторы – Сағат Жүсіп архив қорына табыстады. Алдағы уақытта да ғалымдарымыз жайлы құнды деректер архив төрінен орын алады деп сенеміз.

«СБ» ақпарат.