Сыр бойы

Өткен жылы  "BAUER group" ЖШС "Қызылорда қаласы СПМК-70 мөлтек ауданында 320 орынға арналған балабақшаның құрылысы мен пайдалануға берілуі" жобасын мемлекеттік-жекешелік әріптестік аясында жүзеге асыру туралы ұсыныс түсірді. Аталған ұсыныс облыстық білім басқармасы тарапынан жан-жақты қаралып, бұл жобаны іске асырудың қажеттілігі және тиімділігі жөнінде қорытынды шығарды. Сонымен қатар, жобаның бизнес-жоспары сараптамадан өтіп, оның оң қорытындысы алынды.

      Жобаны жүзеге асыру мерзімі 5 жылды – 2020 жылдан бастап, 2024 жылға дейінгі мерзімді қамтиды. Жоба бойынша мемлекеттік міндеттемелер сомасы 938,4 млн  теңгені құрады. Оны жүзеге асыру мерзіміне байланысты бөлінетін қаржы көлемі төмендегідей көлемде бекітілді. 2020 жылы – 200,8 млн теңге, 2021 жылы – 191,9 млн теңге, 2020 жылы – 185,1 млн, теңге, 2023 жылы – 180,2 млн теңге, 2024 жылы 180,2 млн теңге.

       Жоба бойынша инвестициялық шығындар өтеледі, сондықтан жобаның мерзімі аяқталғаннан кейін нысан мемлекеттік әріптестің меншігінде қалады. Қазақстан Республикасының Бюджет кодексі 163 бабының 2 тармағына сәйкес, аталған МӘЖ жобасы  бойынша 2020-2024 жылдарға 938,4 млн теңге көлеміндегі мемлекеттік міндеттемелер облыстық мәслихаттың ағымдағы жылдың 19 тамызында өткен кезектен тыс 35-ші сессиясында қабылданды.

"СБ" ақпарат.