Сыр бойы

Облыстық ішкі саясат басқармасының тапсырысы бойынша «Туған жер» қоғамдық қозғалысы» қауымдастығымен жүзеге асырылатын «Үштілділікті насихаттау» әлеуметтік жобасы аясында ақпараттық-насихаттық топ құрылып, іс-шаралар жоспары бекітілді. Ақпараттық-насихаттық топ жұмысын ұйымдастырушысы «Туған жер» қоғамдық қозғалысы» қауымдастығы төрайымы – Қ.Ерімбетова.

   Іс-шаралар жоспарына сәйкес Қызылорда қаласы мен барлық аудандарда тіл мамандары мен білім саласының қызметкерлерінен құрылған ақпараттық-насихаттық топ үштілділік бойынша түсіндіру, насихаттау жұмыстарын жүргізу мақсатында «Тілдерді меңгеру – заман талабы» тақырыбында көшпелі семинар-тренинг ұйымдастырды.

  Шара барысында Қызылорда облысының тілдерді оқыту орталығының директоры Н.Мұсаева, №2 «Мұрагер» мектебінің қазақ тілі мен әдебиеті пәнінің мұғалімі Г.Тебегенова, С. Сейфуллин атындағы №4 орта мектебінің орыс тілі мен әдебиеті пәнінің мұғалімі Ж.Шалғымбаева, Н.Ахмадиева атындағы №112 орта мектебінің ағылшын тілі пәнінің мұғалімі Ш.Адамбаева тіл мәселесі, үштілділік жайында баяндама жасады, үш тілді оқытудың жаңа әдіс-тәсілдерін үйретіп, тәжірибелерімен бөлісті.

  Шара соңында қатысушылар, мектеп ұстаздары үштілділікті оқыту бойынша сұрақтарын қойып, оларға жан-жақты жауаптар алады.