Сыр бойы

Қазалы ауданында ҚР Тұңғыш Президенті – Нұрсұлтан Назарбаевтың тарихи шешім қабылдауына және Елорда атауының өзгеруіне орай «Елі сүйген Елбасы» атты салтанатты жиын ұйымдастырылды. Шарада аймақтық «Тұран Қазалы» газеті бас редакторының орынбасары, аудандық мәслихат депутаты Ғазиз Әліш Елбасының қазақ үшін жасаған ерен еңбегіне тоқталды. Сонымен қатар, ардагер ұстаз Серік Қуанышбаев, Қазалы ауданының денсаулық сақтау саласының ардагері Алданазар Табын, Қазалы техникалық колледжінің жастар ісі жөніндегі жетекшісі Құсан Еркін жүрекжарды лебіздерін білдірді. 

Елбасы үнемі жастар мәселесін, жастар саясатын назардан тыс қалдырған емес. Жастар үшін «Болашақ» бағдарламасы арқылы шетелде білім алу, қолжетімді баспана, оқу гранттары сынды түрлі жеңілдіктер жасады. Осындай жанашырлықтың арқасында бүгінде ел дамуына сүбелі үлес қосатын азаматтарымыз көбейіп келеді. Осының бәрі де Елі сүйген, елін сүйген Елбасының арқасы! - деді аудан жастарының атынан сөз алған Құсан Еркін.

Салтанатты жиын барысында аудан өнерпаздары патриоттық әндер орындап, күмбірлеген күйден шашу шашты.

Қазалы ауданы әкімінің баспасөз қызметі