Сыр бойы

Тәуелсіздіктің алғашқы жылдарында Мемлекет басшысы ел астанасын Алматыдан Арқа төсіне көшіру жөнінде бастама көтерді. Қатардағы көп облыс орталығының бірін астана етуге бел байлау – нағыз батыл шешім, батырлық. Елбасы он ойланып, жүз толғанды. Қиындық атаулыдан жасқанбайтын, тәуекел етуге тайсалмайтын ержүректілік танытты. Осылайша тоғыз жолдың торабында, Ұлы Жібек жолының күретамырында бой көтерген Астана – ғасырлар тоғысында дүниеге келген ғажайыптардың бірі.

Осынау 20 жылда Астана таңғажайып жетістіктерімен жаһан назарын аударғанын атап өтті. Елба­сының бас­тамасымен Астана төрінде өткен түрлі халықаралық жиындар әлемдік деңгейдегі саяси маңызды шешімдер қабылдануына негіз болды. Еліміздің Еуропа қауіпсіздік және ынты­мақтастық ұйымына төрағалық етуі, дәстүрлі дін лидерлерінің Астана қала­сында бас қосып, бейбітшілік пен келісім орна­тудың алғы шарттарын қабылдағаны – Астананың Еуразия кеңістігіндегі ерекше ықпалды рухани орта­лыққа айналғанының көрінісі. Астана – ел болашағына бағытталған еңселі істері мен баянды бастамалары арқылы өзге өңірлерге үлгі бола білген бас қала.

Б.ОСПАНОВ,

Қорқыт ата атындағы

ҚМУ-дың оқытуышысы.