Сыр бойы

Қызылорда қаласы жастарына арналған «Самғау» сыйлығы биыл да  сарапқа салынбақ. Жетінші мәрте ұйымдастырылған жастар сыйлығы дарынды, білімді, өз саласы бойынша қатарластарынан оқ бойы озық жүрген, жоғары жетістіктерге жеткен жастарға беріледі. Биыл сыйлықты тағайындау ережесінде аздаған өзгеріс бар. Бұрын «Самғау» сыйлығына өзін ұсынушы үміткер «Мен осы сыйлыққа неге лайықтымын?» тақырыбында эссе жазатын болса, енді қатысушылар арнайы комиссия алдында өзін слайд, видео арқылы таныстыратын болады. Бұл туралы өңірлік коммуникациялар қызметінде өткен баспасөз конференциясында қалалық «Жас­тар ресурстық орталығы» КММ директоры Жанболат Досмаханов, «Қызылорда-Ақиқат Айнасы» жастар қоғамдық бірлестігінің төрағасы Уәлихан Тұрарбекұлы мәлімдеді. 

14 пен 29 жас аралығында­ғы барлық қала жастары қатыса алатын «Самғау» сыйлығын тағайындау барысында үміт­керлердің ұлты, нәсілі, діні мен білім деңгейіне, әлеу­мет­тік жағдайына шектеу қойылмайды. Олар өз сала­сында жетістіктерге қол жет­кізуі, әлеуметтік ма­ңызды жобаларға белсене қатыс­қа­ны не мемлекеттік жас­тар саясатын жүзеге асыру, же­тілдіру барысында қосқан жа­­ңашыл бастамалары, же­ке басының жетістіктері бой­ын­ша сынға түседі. Биыл атал­ған сыйлық он жасқа та­ғай­ындалмақ. Бірақ, осы уақытқа дейін «Самғауды» ие­ленген және осы деңгейдегі облыстық, қалалық сыйлықты алғандарға берілмейді. Шара­ны ұйымдастыру міндеті қала­лық ішкі саясат бөлімінің мем­лекеттік әлеуметтік тапсы­рысы негізінде «Қызылорда – Ақиқат Айнасы» жас­тар қо­ғамдық бірлестігіне жүк­телген. Бірлестік төрағасының айтуынша, ережеге өзгеріс енгізудегі мақсат – сыйлық та­ғайындау барысында ашық­тыққа мән беріп, «Сам­ғауға»  нағыз лайықты жас­тарды таңдау.

Айтпақшы, үміт­керлер сыйлыққа қатысу құ­жат­тарын биылғы жылдың 14 желтоқсанына дейін қала­лық «Жастар ресурстық орта­лығы» КММ-ге тапсыруы қажет. Сондай-ақ, брифинг барысында Жанболат Дос­маханов осы айда жас мате­матиктер арасында Асқар Жұ­ма­ділдаев атындағы байқау ұйымдастырылып, әйгілі ма­тематиктің лекциясын өт­кізу жоспарланғанын да атап өтті.