Сыр бойы

Қызылорда облыстық ішкі саясат басқармасының тапсырысымен жүзеге асырылатын «Үштілділікті насихаттау» әлеуметтік жобасы аясында тіл мамандары мен білім саласының қызметкерлерінен құрылған ақпараттық-насихаттық топ қала және аудан тұрғындарының арасында Елбасы Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын насихаттау, үштілділік бойынша түсіндіру жұмыстарын жүргізу мақсатында Қызылорда қаласы мен аудандарда «Тілдерді меңгеру – заман талабы» тақырыбында көшпелі семинарлар, дөңгелек үстелдер ұйымдастырылды.

Шара барысында Қызылорда облысының тілдерді оқыту орталығының оқытушысы Ә.Бахытова, облыстық оқу орталығының әдіскері Ж.Сыздықова, №15 мектеп-лицейдің ағылшын тілі пәнінің мұғалімі Ж. Қасымова, №211орта мектебінің қазақ тілі пәнінің мұғалімі А. Тұрсынбай, №23 мектеп-лицейінің орыс тілі мен әдебиетінің мұғалімі Г. Менетаевалар тіл мәселесі, үштілділік жайлы баяндамалар жасады.

Шараға қатысушылар, мектеп ұстаздары үштілділік жайлы көкейтесті сұрақтарын қойып, оларға жан-жақты жауаптар алады.

Дөңгелек үстелге қатысушыларға үштілділікке қатысты әдістемелік құралдар үлестірілді.